Түштүк Кореянын Пхёнчхаң шаарында өтүп жаткан кышкы Олимпиадада орус хоккейчилери финалга чыгышты. Алар 23-февралдагы жарым финалда Чехиянын курама командасын 3-0 эсебинде утуп алышты.
Орусиялык хоккейчилер экинчи таймда 30 секунданын ичинде эки жолу упай ачышты. Үчүнчү голду Илья Ковальчук оюн бүтөөрүнө 20 секунда калганда киргизип кетти.
24-февралдагы экинчи жарым финалда Канада менен Германия беттешет.
Орусиянын курама командасы допинг жаңжалынан улам олимпиададан четтетилген. Кызытма колдонбогонун далилдеген спортчулар бейтарап желектин алдында оюндарга катышып жатышат.
23-февралда 15 жаштагы орусиялык Алина Загитова кыз-келиндер арасындагы көркөм муз тебүүдө биринчи болуп, "Орусиялык олимпиада атлеттеринин" капчыгына биринчи алтынды алып келди.
