Мурат Мукамбетов өкмөттүн аппарат жетекчиси-министр кызматынан бошотулду. Тийиштүү буйрукка президент Сооронбай Жээнбеков кол койгону 8-августта кабарланды.
Расмий маалыматка ылайык, Мукамбетов башка ишке өткөндүгүнө байланыштуу жумуштан алынды. Ал кайсы кызматка кеткени маалымдала элек.
Мурат Мукамбетов быйыл апрелде өкмөттүн жаңы курамында өкмөт аппаратынын жетекчиси болуп дайындалган.
