Линктер

ЧУКУЛ КАБАР!
25-Февраль, 2021 бейшемби, Бишкек убактысы 00:19

Ташкент кыргыз-өзбек чек арасында дагы эки тилке такталганын кабарлады


Өзбекстандын чек арачылары.

Кыргызстан менен Өзбекстандын өкмөттөрү чек арада дагы эки тилкени тактоо иштерин аяктады. Фергана жана Баткен облустарынын ортосунда Шахимардан жана Газнов тилкелериндеги чектеш жерлер аныкталганын расмий Ташкент шаршембиде билдирди.

Өзбекстандын Тышкы иштер министрлигинин сайтындагы маалыматка ылайык, 1-7-август күндөрү Фергана шаарында чек араны тактоо боюнча жумушчу топтордун жолугушуусу болду. Кыргыз тарап азырынча расмий билдирүү тарата элек.

2017-жылы эки өлкө ортосундагы 1378 чакырым чектеш аймактын 1170 чакырымы такталган. Былтыр жыл аягына чейин калган жерлер аныкталып бүтөрү айтылган, бирок делимитация жана демаркация иштери уланууда. Эки тараптын жумушчу топтору утуру тигил же бул өлкөдө жолугушууларды өткөрүп келатышат.

Өзбекстандын мурунку президенти Ислам Каримовдун тушунда солгундап кеткен кыргыз-өзбек мамилеси Шавкат Мирзиёев бийликке келген соң кайра жанданган.

Пикирлерди көрүңүз (8)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.
Бул шерине жабылды, эми талкуу "Фейсбуктагы" барагыбызда (Azattyk.unalgysy) уланат.

XS
SM
MD
LG