Линктер

ЧУКУЛ КАБАР!
14-Апрель, 2021 шаршемби, Бишкек убактысы 17:08

Орусияда тыюу салынган улутчул кыймылдын мүчөлөрү соттолду 


«Артподготовка» кыймылынын акциясы. Новосибирск. Ноябрь, 2017-жыл.

Орусиянын Новосибирск шаардык соту өлкөдө тыюу салынган «Артподготовка» улутчул кыймылынын үч мүчөсүнө карата өкүм чыгарды. Ага ылайык, «массалык баш-аламандык уюштурууну максат кылган» деп айыпталган мурдагы милиция кызматкери Александр Комаров үч жылга жалпы тартиптеги колонияга кесилсе, Анатолий Плотников шарттуу түрдө эки жыл алты айга соттолду. Ал эми Вячеслав Добрынин психиатриялык ооруканага дарыланууга жиберилди.

Аталган кыймылдын жүздөгөн мүчөлөрү 2017-жылдын 5-ноябрында, 1917-жылдагы революциянын 100 жылдыгын утурлай Москвада жана башка шаарлардагы демонстрацияларда кармалган. Мындай акция Новосибирск шаарында да өтүп, он чакты киши камакка алынган.

Кыймылдын Кремлди сындап жүргөн жетекчиси Вячеслав Мальцев ошол кезде «бул күн президент Владимир Путиндин бийлигин кулатууда жаңы революциянын башталышы» деп билдирген.

Өзүн «улутчул жана анархист» деп атаган Мальцев кийинчерээк «Азаттыктын» орус кызматына Франциядан саясий башпаанек алганын кабарлаган.

2017-жылдын майында ага сырттан «экстремизмге ачык чакырык таштаган» деген айып коюлуп, «Артподготовка» уюмунун ишмердигине тыюу салынган.

Пикирлерди көрүңүз (2)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.
Бул шерине жабылды, эми талкуу "Фейсбуктагы" барагыбызда (Azattyk.unalgysy) уланат.

XS
SM
MD
LG