Өзбекстандын Мамлекеттик коопсуздук кызматы 1917-жылга чейинки жашыруун документтерди ачыкка чыгарат. Бул тууралуу жарлыкка президент Шавкат Мирзиёев кол койду.
«2020-жылдын 1-июнуна чейин Өзбекстан Республикасынын Мамлекеттик коопсуздук кызматы менен бирге 1917-жылга чейинки тарыхый мезгилдеги архивдик документтерди, тиешелүү эрежелерге ылайык, ачыкка чыгаруу иштери жүргүзүлсүн» деп айтылат жарлыкта.
Ошондой эле Шавкат Мирзиёев өкмөткө үч айлык мөөнөттүн ичинде «Архивдик иштер» бирдиктүү маалыматтык системасын түзүү тууралуу сунушту киргизүүнү тапшырды.
