Бишкекте Санитардык-эпидемиологиялык көзөмөл борборунун төрт кызматкеринен коронавирус табылды. Бул тууралуу 9-апрелде саламаттык сактоо министринин орун басары Мадамин Каратаев билдирди.
Анын айтымында, мекеменин алты кызматкери обсервацияда жатат. Калган контактта болгондордун баарынын анализи текшерилип, оору тастыкталбагандыктан алар ишин улантууда.
9-апрелге карата Кыргызстанда COVID-19 жуккандардын жалпы саны 280 болду, алардын төртөө каза тапты. 280 адамдын 34ү медицина кызматкери. (RK)
