Линктер

ЧУКУЛ КАБАР!
29-ноябрь, 2020 жекшемби, Бишкек убактысы 01:38

Президент Коопсуздук кеңешинин жыйынын өткөрүүдө


Сооронбай Жээнбеков.

Президент Сооронбай Жээнбеков бүгүн, 28-апрелде Коопсуздук кеңешинин чакан курамдагы жыйынын өткөрүп жатат. Ага айрым мамлекеттик органдардын жетекчилери, Бишкек шаарынын мэри да катышып жатканын мамлекет башчынын басма сөз кызматы кабарлады.

Жыйында өлкө аймагына коронавирус инфекциясын жайылтпоо жана социалдык-экономикалык активдүүлүктү жандандыруу боюнча мындан аркы чаралар каралууда.

Президенттин басма сөз кызматы: «Биринчи вице-премьер-министр Кубатбек Бороновдун, вице-премьер-министр Эркин Асрандиевдин, саламаттык сактоо министри Сабиржан Абдикаримовдун жана башка мамлекеттик органдардын жетекчилеринин коронавирус инфекциясынын жайылышына каршы күрөшүү, анын экономикага болгон кесепеттерин азайтуу жана өлкөдөгү экономикалык ишмердүүлүктү жандандыруу боюнча көрүлүп жаткан чаралар жөнүндө маалыматтары угулуп жатат», деп кабарлады.

28-апрелге карата коронавирус жуккандардын жалпы саны 708 адамга жетти, алардын ичинен 8 киши каза болду. 416 бейтап айыгып чыкты.

Кыргызстандын көпчүлүк аймактарында коронавируска байланыштуу алгач өзгөчө кырдаал, андан соң 30-апрелге чейин өзгөчө абал жарыяланып, карантиндик чектөөлөр киргизилген.

Мекеме-ишканалар, бардык билим берүү жайлары карантинге жабылган.

Президент Сооронбай Жээнбеков өлкөнүн бардык аймактарында санитардык-эпидемиологиялык иш-чараларды күчөтүлгөн тартипте улантуу зарыл деп эсептей турганын 24-апрелде айткан. (RK)

Пикирлерди көрүңүз (15)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.
Бул шерине жабылды, эми талкуу "Фейсбуктагы" барагыбызда (Azattyk.unalgysy) уланат.

XS
SM
MD
LG