Линктер

ЧУКУЛ КАБАР!
11-Май, 2021 шейшемби, Бишкек убактысы 20:51

Кыргызстанда соңку бир сутка ичинде коронавирус 15 адамга жуккан (видео)


COVID-19

Кыргызстанда соңку бир сутка ичинде коронавирус жуккан 15 адам жаңы катталды.

Алардын ичинен Бишкекте үч, Чүй облусунда бир, Ош облусунда бир, Жалал-Абад облусунда бир адам, ошондой эле Санкт-Петербург шаарынан келген тогуз курсант илдет жуктуруп алганы аныкталды. Ушуну менен 16-майга карата Кыргызстанда коронавирус илдетин жуктуруп алгандардын саны 1365 адамга жетти.

23-майда маалымат берген саламаттык сактоо министринин орун басары Нурболот Үсөнбаевдин айтуусунда, 23-майга карата аныкталган 15 адамдын ону сырттан жуктуруп келген.

Акыркы суткада сегиз адам оорудан айыкты.
Жалпысынан оору алгач катталган 18-марттан берки убакта коронавирус жуктуруп алган 957 адам сакайып чыкты.

14 адам COVID-19 илдетин жуктуруп алгандан кийин каза тапты.

Акыркы суткада медицина кызматкерлеринен вирус аныкталган жок. Жалпысынан ооруга чалдыккан 273 медицина кызматкердин 226сы айыгып, ишине кайтты.

Ушул тапта 394 адам стационарда жатат. Он бир адам оор абалда. Төрт киши жандандыруу бөлүмүндө жатат. (ZKo)

Пикирлерди көрүңүз (1)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.
Бул шерине жабылды, эми талкуу "Фейсбуктагы" барагыбызда (Azattyk.unalgysy) уланат.

XS
SM
MD
LG