Линктер

ЧУКУЛ КАБАР!
27-ноябрь, 2020 жума, Бишкек убактысы 20:02

Отунбаева ДССУнун жалпы Европалык комиссиясынын мүчөсү болду


Роза Отунбаева.

Кыргызстандын мурдагы президенти Роза Отунбаева Дүйнөлүк саламаттык сактоо уюмунун (ДССУ) жалпы европалык комиссиясынын мүчөсү болду.

Бул тууралуу «Роза Отунбаеванын демилгелери» эл аралык фонду кабарлады.

Маалыматка ылайык, 26-августта Отунбаева Пан-Европа комиссиясынын “Ден соолук жана туруктуу өнүгүү” иш- чарасына онлайн форматта катышып, саламаттык сактоо жаатында бир катар маселелерди эксперттер менен бирге талкуулаган.

Комиссиянын максаты - пандемиянын шартында саясаттын артыкчылыктуу багыттарын кайра карап чыгуу.

Комиссия саламаттыкты сактоо жана социалдык тейлөө кызматтарынын абалын, коомдук саясий артыкчылыкты жогорулатуу, анын ичинде туруктуу өнүгүүнү жана социалдык биримдикти орнотуу боюнча иш алып барат.

Комиссиянын курамына мурдагы президенттер, өкмөт башчылары, илимпоздор жана медицина тармагынын лидерлери кошулган.

Буга чейин Отунбаева 2020-жылдын октябрь айынан 2021-жылдын октябрына чейин Кембриж университетинин Борбор Азия боюнча форумунун жана GCRF-COMPASS программасынын атайын чакыртылган илимий кызматкери болуп тандалганы кабарланган.

Пикирлерди көрүңүз (2)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.
Бул шерине жабылды, эми талкуу "Фейсбуктагы" барагыбызда (Azattyk.unalgysy) уланат.

XS
SM
MD
LG