Линктер

ЧУКУЛ КАБАР!
28-ноябрь, 2020 ишемби, Бишкек убактысы 13:33

Алексей Навальный комадан чыгарылды


Алексей Навальный 20-августтан тартып комада жаткан.

Германияда дарыланып жаткан орусиялык оппозициячыл саясатчы Алексей Навальныйдын абалы кыйла оңолуп, комадан чыгарылды. Бул тууралуу Берлиндеги «Шарите» клиникасынын дарыгерлери билдиришти.

Навальныйдын абалы оор болгондуктан дарыгерлер аны атайылап уктатып коюшкан эле. Ошондой эле учурда Навальныйды жасалма дем алдыра турган аппараттан чыгаруу да каралып жатат.

Маалыматтарга караганда, Навальный ага үн катып, сүйлөшкөндөргө реакция кыла баштады.

Буга чейин дарыгерлер аны ууландыруунун кесепети узакка созулушу мүмкүн экенин билдиришкен.

Навальный 20-августтан тартып комада жаткан.

44 жаштагы Навальный 20-августта эртең менен Томск шаарынан Москвага учак менен келатып, өзүн жаман сезе баштаган. Дааратканада эстен танып жыгылгандан кийин учак Омск шаарына чукул конууга аргасыз болгон. Алгач Омскидеги ооруканага жаткырылган Навальный бир нече күндөн кийин Берлинге жеткирилген.

Берлин Кремлди сындап келген саясатчы анын «көзүн тазалаш үчүн» нервди шал кыла турган зат менен ууландырылганын жарыялаган. Москва болсо мындай шашылыш тыянак чыгарбай турууга чакырган.

Пикирлерди көрүңүз (9)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.
Бул шерине жабылды, эми талкуу "Фейсбуктагы" барагыбызда (Azattyk.unalgysy) уланат.

XS
SM
MD
LG