Линктер

ЧУКУЛ КАБАР!
1-декабрь, 2020 шейшемби, Бишкек убактысы 05:17

Өкмөттүн Нарын, Талас жана Ысык-Көлдөгү өкүлдөрү, айрым жетекчилер кызматтан кетүү арызын жазышты


Таласта облустук акимчиликтин алдына топтолгон эл. 6-октябрь, 2020-жыл.

Өкмөттүн Нарын облусундагы өкүлү Эмил Алымкулов, Талас облусундагы өкүлү Марат Мураталиев жана Ысык-Көл облусундагы өкүлү Балбак Түлөбаев кызматтан кетүү тууралуу арыз жазганын аймактардагы кабарчыларыбыз маалымдашты.

Ысык-Көл облусундагы өкмөттүн өкүлү Балбак Түлөбаев арыз жазганын өзү ырастады.

Талас облусунда өкүл менен кошо төрт райондун акимдери да кызматтан кетүү арыздарын жазды.

Ошондой эле облустук ички иштер башкармалыгынын башчысы Алмаз Жумабеков төрт райондук ички иштер бөлүмдөрүнүн жетекчилери менен кошо кызматын тапшырганы кабарланды.

6-октябрда Нарында, Таласта жана Караколдо эл чогулуп, бийликти өткөрүп берүүнү талап кылышкан.

5-октябрда парламенттик шайлоонун жыйынтыгына нааразы болгон партиялардын тарапкерлеринин мөөнөтсүз митинги массалык башаламандык менен коштолду.

6-октябрда митингчилер парламент менен президент отурган имаратты, УКМКнын имаратын басып алышты. Ала-Тоо аянтында оппозициячыл партиялардын митинги уланууда.

Парламенттик шайлоонун жыйынтыктарына нааразы партиялар 5-октябрда мөөнөтсүз митингге чыкканын жарыялашкан.(ZKo/KS/MiK)

Пикирлерди көрүңүз (6)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.
Бул шерине жабылды, эми талкуу "Фейсбуктагы" барагыбызда (Azattyk.unalgysy) уланат.

XS
SM
MD
LG