Линктер

ЧУКУЛ КАБАР!
29-ноябрь, 2020 жекшемби, Бишкек убактысы 10:26

Кыргызстанда окуучулар каникулга тарашты


Бишкектеги мектептердин бири. Кыргызстан. 2-сентябрь, 2020-жыл.

Кыргызстандын мектептеринде күзгү каникул 2-ноябрдан 10-ноябрга чейин (ошол күндү кошуп эсептегенде) созулат. Бул тууралуу Билим берүү жана илим министрлигинен билдиришти.

Мекемеден кабарлашкандай, 7-8-ноябрь Тарых жана ата-бабаларды эскерүү күндөрү болгондуктан, 9-10-ноябрь эс алуу күндөрү деп эсептелинет. Натыйжада II чейрек 11-ноябрда башталат.

Коронавирус пандемиясына байланыштуу Кыргызстанда мектептер 2020-жылдын мартынан баштап карантинге жабылып, окуу аралыктан өткөрүлүп келди.

2020-2021-окуу жылы да ушундай эле тартипте уланды. 1-сентябрдан тартып биринчи класстын гана окуучулары мектепке барышты.

Сентябрдын аягында 2-6-класстын окуучулары да мектепке барып окуй турганы кабарланган. Кийин министрлик билдирүү таратып, 1-6-класстардын баары аралыктан окууга кайтарын жарыялаган. Мекеме окууну кадимки тартипте улантуу маселеси өлкөдөгү саясий кырдаал турукташкандан кийин караларын маалымдашкан.

Айрым маалыматтарда 11-ноябрда окуучулардын баары мектепке барары айтылып жатат. Билим берүү жана илим министрлиги бул маалыматты ырастай элек. (ErN)

Пикирлерди көрүңүз

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.

XS
SM
MD
LG