Линктер

ЧУКУЛ КАБАР!
3-Август, 2021 шейшемби, Бишкек убактысы 02:01

Ак-Талаада акимди тапанча менен опузалаган жаран камалды


Ак-Талаа райондук администрациясынын имараты.

Нарын облустук ички иштер башкармалыгы Ак-Талаа райондук администрациясына мас абалында кирип барган жаран тапанча менен акимди коркутканын кабарлады. Окуя 12-январда болгон.

Акимдин иш бөлмөсүнө кирип барып, опузалаган киши жергиликтүү 42 жаштагы тургун экени аныкталды. Анын жанынан пневматикалык тапанча табылган. Куралдын ээси ким экендигин тастыктаган документ болгон эмес.

Аким Сейтек Кулубаев "Азаттыкка" билдиргендей, опузалаган адам алгач райондук администрациянын имаратында жайгашкан Аймактык шайлоо комиссиясынын адистерин издеген. Аларды таппагандан кийин акимдин бөлмөсүнө кирип барган. Ал жерде иштегендер милицияга кабар беришкен.

"Тапанчасын алып чыгып такаганда эле колун толгоп, кайрып куралды алып койдум. Бөлмөдөн чыгып кетишин талап кылган учурумда милиция кызматкерлери келишти",- деди аким.

Аталган факт Жазык кодексинин 266-беренеси (Ээнбаштык) менен сотко чейинки өндүрүшкө алынды. Акимди коркутканы айтылган адам эки айга райондук милициянын убактылуу кармоочу жайына киргизилди.

Ак-Талаа райондук администрациясы Баетов айылында жайгашкан. (BsB\SE)

Пикирлерди көрүңүз (3)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.
Бул шерине жабылды, эми талкуу "Фейсбуктагы" барагыбызда (Azattyk.unalgysy) уланат.

XS
SM
MD
LG