Линктер

ЧУКУЛ КАБАР!
26-Июль, 2021 дүйшөмбү, Бишкек убактысы 06:19

Зулушев: Жээнбеков сотко күбө катары чакырылса барышы керек


Сооронбай Жээнбеков. Архивдик сүрөт.

Башкы прокурор Курманкул Зулушев экс-президент Сооронбай Жээнбеков сотко күбө катары чакырылса, барышы керек деп эсептейт. Бул тууралуу ал бүгүн, 5-февралда Бишкекте өткөн пресс-конференцияда “Азаттыктын” суроосуна жооп берип жатып айтты.

Башкы көзөмөл мекемесинин жетекчиси белгилегендей, эгер Жээнбеков айыпталып чакырылса, башка маселе, ал эми күбө катары чакырылып жатса барып, көрсөтмөсүн бергени туура болот:

“Эгер ошондой зарыл талап болсо барып, көрсөтмө бериши керек. А жоопко тартуу, бул өзүнчө маселе, себеби статус бар. Ал эми күбө катары чакырылса, ким болбосун, сотко барып көрсөтмө бериши керек. Күбө катары барбай коюуга эч кимде укук жок, эгер патриот жаран болсо. Эгер аны күнөөлөп жатса, башка. А күбө катары болсо, эгер ошол берилген көрсөтмө менен кылмышка чекит коюлуп же баа бериле турган болсо, менимче, барышы керек”.

2017-жылы алты жылга президент болуп шайланган Жээнбеков кызматын мөөнөтүнөн мурда, үч жылдан кийин, 2020-жылдын октябрында парламенттик шайлоодон кийинки башаламандык учурунда тапшырып берген.

Ал “мыйзамсыз боюу” боюнча соттолгон мурдагы биринчи вице-премьер Дүйшөнбек Зилалиевдин ишине байланыштуу сотко күбө катары чакырылып жатат.

Экс-президенттин адвокаты Жыргалбек Бабаев Жээнбеков сотко барууга милдеттүү эмес экенин билдирип, Зилалиев өз ишине саясий өңүт берүүгө аракет кылып жатканын айткан. Зилалиевдин адвокаты Жээнбеков сотко жүйөлүү себеп менен чакырылганын билдирген. (RK/TSh)

Пикирлерди көрүңүз (8)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.
Бул шерине жабылды, эми талкуу "Фейсбуктагы" барагыбызда (Azattyk.unalgysy) уланат.

XS
SM
MD
LG