Линктер

ЧУКУЛ КАБАР!
21-Май, 2024-жыл, шейшемби, Бишкек убактысы 18:35

Президент Жапаров баштаган расмий делегация иш сапар менен Орусияга жөнөп кетти


Президент Садыр Жапаров.
Президент Садыр Жапаров.

Кыргызстандын мамлекет башчысы Садыр Жапаров бүгүн, 24-февралда биринчи чет элдик иш сапары менен Орусияга кетти. Сапардын жүрүшүндө Садыр Жапаров Орусиянын президенти Владимир Путин менен сүйлөшүп, эки тараптуу кызматташтыктын актуалдуу маселелерин, өлкөлөрдүн өз ара байланышын өнүктүрүү келечегин талкуулайт.

Ошондой эле Жапаров орус өкмөт башчысы Михаил Мишустин, Федерация Кеңешинин төрайымы Валентина Матвиенко жана Мамлекеттик Думанын төрагасы Вячеслав Володин менен жолугушат.

Президентти коштоп жүргөн расмий делегациянын курамына Кыргызстандын тышкы иштер министри Руслан Казакбаев, президенттик аппараттын жетекчиси Сүйүнбек Касмамбетов, 1-вице-премьер-министр Артем Новиков, вице-премьер-министр Улан Кармышаков жана башка өкмөт мүчөлөрү, Кыргызстандын Орусиядагы элчиси Гүлнара-Клара Самат, Бишкек шаар мэринин милдетин аткаруучу Бактыбек Кудайбергенов бар.

Сапар алкагында Кыргызстанга берилчү вакцина, гранттык жардам жана жеңилдетилген 100 млн доллар насыяны алуу, отун-кубат, темир жол жана учак каттамдары боюнча сүйлөшүүлөр болору кабарланган.

Садыр Жапаров Кыргызстандын президенти болуп 10-январда шайланган.(ZKo)

XS
SM
MD
LG