Тайванда жүргүнчү ташыган поезд менен атайын техника кагылышып, бери дегенде 36 адам көз жумду. Ондогон киши жараат алганын жергиликтүү басылмалар кабарлашты. Авария 2-апрелде аралдын чыгышындагы туннелде болгон. Куткаруу иштери уланууда.
Транспорт министрлигинин маалыматына караганда, Тайпейден Тайдунду көздөй бараткан поездде 350дөй жүргүнчү болгон.
Баштапкы маалыматтарга ылайык, инженердик-техникалык атайын автоунаа туура эмес токтотулуп, поезддин жолуна туруп калган.
Reuters агенттиги бул аварияны аралда соңку 40 жылдагы ири темир жол катастрофасы деп жазды. 1981-жылы поезд кырсыкка кабылганда 30 адам өлгөн.
Башка кабарлар
