Линктер

ЧУКУЛ КАБАР!
11-Май, 2021 шейшемби, Бишкек убактысы 17:12

Дайынсыз болуп аткан Айдана Таирбек кызы табылды


Айзаданын өлүмүнөн кийин Ошто өткөн нааразылык митинги. 8-апрель, 2021-жыл.

Ош шаарынын Ош көчөсүнөн 13-март күнү чыгып кеткен боюнча дайынсыз болуп жаткан Айдана Таирбек кызы Чүй облусунун аймагынан 10-апрелде табылды.

Бул тууралуу Ош шаардык ички иштер башкармалыгынын (ШИИБ) басма сөз катчысы Замир Сыдыков билдирди. Анын айтуусунда кыздын ден соолугу жакшы. Кыз үйүнөн өз эрки менен чыгып кеткенин, жакшы көргөн адамы менен баш кошуп жашап жаткандыгын айткан.

Маалыматка ылайык, кыз ички Иштер министрлигинин жана Ош ШИИБнин криминалдык милиция кызматынын биргелешип издөө аракетинин натыйжасында табылды.

24 жаштагы Айдана Таирбек кызынын бир тууган агасы 17-мартта милицияга кайрылган. Кыздын туугандары Айдана Бишкекте сексуалдык кулчулукта кабылышы ыктымал деп кабатыр болгонун айрым маалымат каражаттарына билдиришкен.

5-апрелде Бишкектеги көчөлөрдүн биринен уурдалган 27 жаштагы Айзада Канатбекованын сөөгү 7-апрелде табылган. Бишкек шаардык милициясы аны уурдоого шек саналган 31 жаштагы Замирбек Теңизбаев кызды муунтуп өлтүрүп, андан кийин өзүнө бычак сайып каза болгонун билдирди. Айзадага чейин ала качуунун айынан Бурулай Турдаалы кызы киши колдуу болгон.

Бул окуя коомчулукта милицияга карата сынды күчөттү. Бишкекте жана Ошто ИИМдин жетекчилигинин кызматтан кетишин талап кылган акциялар өттү.

Ички иштер министринин 9-апрелдеги буйругу менен Бишкек шаардык ички иштер башкармалыгынын башчысы Бакыт Матмусаев баштаган 12 кызматкер иштен алынып, дагы 32 кызматкер түрдүү кызматтык жаза алышканы кабарланды.(ZKo)

Пикирлерди көрүңүз (1)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.
Бул шерине жабылды, эми талкуу "Фейсбуктагы" барагыбызда (Azattyk.unalgysy) уланат.

XS
SM
MD
LG