Линктер

ЧУКУЛ КАБАР!
18-Январь, 2022 шейшемби, Бишкек убактысы 17:20

Бир мандаттуу округдардан аял талапкерлер жеңишке жете албады


Бир мандаттуу округдардын картасы. Иллюстрациялык сүрөт.

Борбордук шайлоо комиссиясынын (БШК) добуштарды автоматтык санаган системасынын баштапкы маалыматтарында бир мандаттуу округдардан жеңишке жеткен талапкерлердин арасында бир да аял жок.

Жогорку Кеңештин 7-чакырылышына бир мандаттуу округдардан катышып жаткан 282 талапкердин ичинде 20 аял бар болчу. Ош жана Талас облустарында бир мандаттуу округдардан бир да аял талапкер чыккан жок.

БШК төрайымы Нуржан Шайлдабекова Коопсуздук кеңешинин 26-ноябрдагы жыйынында Жогорку Кеңешке ат салышып жаткан партиялардын тизмесинде талапкерлердин 36% аялдар түзөрүн билдирген.

Жогорку Кеңештин 7-чакырылышына 28-ноябрдагы шайлоо аралаш система менен өттү. Шайлоого партиялык тизме менен 21 партиядан 1004 талапкер ат салышты. Алардын 54ү депутат болуп келет.

Ал эми бир мандаттуу округдардан катышып жаткан 282 талапкердин жеңип чыккан 36сына мандат берилет. Жалпысынан Жогорку Кеңешке 90 депутат шайланат. (ZKo)

Facebook шеринеси

XS
SM
MD
LG