Линктер

ЧУКУЛ КАБАР!
21-Апрель, 2024-жыл, жекшемби, Бишкек убактысы 20:59

ТИМ кыргыз жарандарын Тажикстанга барбай турууга чакырды


Кыргызстан менен Тажикстандын желектери. Архивдик сүрөт.
Кыргызстан менен Тажикстандын желектери. Архивдик сүрөт.

Тышкы иштер министрлиги Кыргызстандын жарандарына Тажикстанга баруудан, саякаттоону убактылуу токтотуп турууну дагы бир жолу сунуштады.

Өлкөнүн тышкы саясат мекемеси кабарлагандай, Дүйшөмбү шаарындагы эл аралык аэропортко келген учурда, чек ара көзөмөлүнүн өкүлдөрү Кыргызстандын жарандарын киргизбей коюуда. Мындай учурда авиабилеттерди сатып алууга жана транзиттик зонада кийинки каттамды күтүүдө кошумча каржылык чыгымдар болот.

Маселе жаралган учурда Кыргызстандын жарандары төмөнкү номурларга чалса болот:

+996 999 312 002 – Кыргызстандын Тышкы иштер министрлигинин Консулдук департаменти (Бишкек);

+992 887 782 223 - Кыргызстандын Тажикстандагы элчилиги (Дүйшөмбү шаары).

Кыргызстан менен Тажикстандын ортосундагы алака 2021-жылдын апрель айынын аягындагы кандуу окуядан кийин кескин солгундап кеткен. Бул окуядан соң Кыргызстан Тажикстан менен чек арасын бир тараптуу жапкан.

Эки өлкөнүн ортосунда жалпысынан 972 чакырым чек ара тилкеси бар, аны тактоо иштери 2002-жылы башталган. 664 чакырым боюнча орток пикир бар экенин эки өлкөнүн президенттери ырасташкан. Чек ара такталып бүтө элек болгондуктан ортодо түрдүү куралдуу кагылыштар, адам өмүрүн алган каргашалуу окуялар катталып келет. (BTo)

Facebook шеринеси

XS
SM
MD
LG