АКШнын президенти Барак Обама "Фэйсбуктун" баш-кеңсесинде сүйлөп, өлкөнүн экономикасы кайра өнүгөт деп убады кылды. Обама “фэйсбукчулардын” онлайн суроолоруна жооп берди. Ал АКШнын бюджетиндеги 1,4 триллион долларлык дефицитти акча үнөмдөө жана бай адамдарга салыктын көлөмүн көбөйтүү аркылуу жабуу планы жөнүндө айтты. Президент Обама “Фэйсбук” социалдык түйүнүн алгачкы президенттик шайлоо өнөктүгү учурунда активдүү колдонгон эле. Жакында ал келерки жылы өтө турган президенттик шайлоодо да мамлекет башчылык үчүн ат салышаарын жарыялаган.
