Албанияда куткаруучулар урандылардын алдында аман калган адамдарды издөөнү улантып жатышат. Шейшемби күнкү жер титирөөдөн улам 45 киши өлгөнү расмий кабарланды. Дагы ошончо адам урандылардын алдын издөө иштеринин натыйжасында тирүү куткарылды.
Зилазаланын күчү 6,4 баллга жеткен. Мындай катуу силкинүү өлкөдө болжол менен 40 жыл мурда болгон экен.
Албанияга Түркия, Түндүк Македония жана башка өлкөлөрдүн куткаруучулары жардамга келишти.
Өкмөт жапа чеккен аймактарда 30 күндүк мөөнөткө чукул кырдаал киргизди жана турак жайлары кыйраган кишилерге жаңы үйлөрдү салып берүүгө убада берди. Зилзаланын жалпы материалдык зыяны канча болгону саналып бүтө элек.
