Кыргыз-өзбек чегиндеги чырлуу окуяны иликтеген топ өзбек чек арачылары Кыргызстандын аймагында ок атканын аныктаганын Чек ара кызматынын төрагасынын орун басары Чолпонбек Турусбеков “Азаттыктын” таңкы түз обосунда билдирди.
И. Исаков сегиз жылга эркинен ажыратылды. М.Бакиев Кытайга жумуш сапар менен барды. Г. Павлюктун өлтүрүлүшү боюнча Кыргызстан менен Казакстан тергөөчүлөрү биргелешип иштей турган болушту.
15-январда адвокат Азимбек Бекназаров 11-январдан бери Улуттук коопсуздук боюнча мамлекеттик кызматтын абагында камалып турган Исмаил Исаков менен жолугушуп чыкты. Ал эми Бишкекте жана Алайда генерал Исаковдун боштондугун талап кылып, ачкачылык жарыялагандардын саны 22 кишиге жетти.
12-январда Бириккен элдик кыймылдын жыйыны болуп, анда Исмаил Исаковду жана Петровка окуясы боюнча cоттолуп жаткандарды коргоо комитети түзүлдү. Комитет төрагалыгына Топчубек Тургуналиев шайланып, ал 13-январдан тарта мөөнөтсүз ачкачылык акциясын баштаарын жарыялады.
11-январда Бишкек гарнизондук соту генерал-лейтенант Исмаил Исаковду сегиз жылга кесүү жана генерал-лейтенанттык наамынан ажыратуу чечимин чыгарды. Исаков акыркы сөзүндө акыркы сөзүндө коюлуп жаткан айыптардын бирөөсүн да мойнуна албасын жана ал саясий себептерден куугунтукка алынып жатканын билдирген.
11-январда Бишкек гарнизондук сотунда айыпталуучу генерал-лейтенант Исмаил Исаковдун акыркы сөзү угулду. Анда Исаков коюлуп жаткан айыптардын бирөөсүн да мойнуна албасын жана ал саясий себептерден куугунтукка алынып жатканын билдирди. Исаков боюнча соттун чечими 11-январда саат 16:00дө угузулаары жарыяланды.
Балыкчы окуясы боюнча соттун өкүмү күчүнө кирди. “Центерра голд инкте” Кыргызстан кызыкчылыгын коргоого Украина жараны дайындалды. Өзбектер көл жээгинде төрт пансионаттын тагдырын чечүүнү талап кылууда.
Казакстандан кийин Ысык-Көлдөгү кээ бир пансионаттардын башын ачуу талабын Ташкен да койду. Төрт пансионат Астанага өткөн жылы өткөрүлүп берилген. Өзбектер Ысык-Көл жээгинен кайсы пансионаттарга ээлик кылууну көздөп жатат?
Балыкчы окуясы боюнча айыпталгандарга карата чыгарылган сот өкүмү күчүнө кирди. Соттолгон адамдар жазаларын кандай тартипте өтөшөт жана сот чечимин талашып жогорку инстанцияларгы арызданышы мүмкүнбү? Бул жөнүндөгү суроолорго Мукар Чолпонбаев жооп берет.
Кыргызстандын мурдагы вице-премьер-министри Эсенгул Өмүралиев ГЭСтерди, жогорку чыңалуудагы линияларды кошуп, бирдиктүү энергетикалык ишкана түзүү демилгесин көтөрүп келе жатат.
Кыргызстандагы ири алтын кендердин ичинен Кумтөр гана туруктуу иштеп жатат. Кумтөр кенине кыргыз тараптан көзөмөл жүргүзгөн “Кыргызалтын” өкмөттүн колунан Максим Бакиев башында турган Борбордук агенттике жыл соңунда өткөрүлүп алынды. Ал эми Жер-Үй, Талдык-Булак жана башка кендердин абалы кандай?
Өткөн жылы Кыргызстанда бир катар саясатчы, журналисттер киши колдуу болду. Март айында Президенттик администрациянын мурунку башчысы Медет Садыркулов жана анын эки шериги табышмактуу жагдайда каза тапкан. Жогорку Кеңештин депутаты Санжар Кадыралиев атылды. Жыл соңунда журналист Геннадий Павлюк өлтүрүлдү.
2010-жылы Кыргыз мамлекетинин алдында Конституцияны өзгөртүү, бөлүштүргүч компанияларды менчиктештирүү маселелери турат. Андан сырткары бийликтин кошуна өлкөлөр, оппозиция менен мамилесинин андан ары өрчүшү жаңы жагдайларды жаратышы ыктымал.
Саясат таануучу Марс Сариев Өзбекстан Орусия менен мамилеси жакшырып бараткан азыркыдай шартта расмий Бишкек менен Ташкендин тил табышуусу татаалдайт, ошол эле учурда орус-кыргыз алакасы начарлашы Кыргызстандагы абалды кыйындатат деп эсептейт.
“Ак шумкар” партиясынын төрагасы Темир Сариев Конституцияга өзгөртүү киргизүү боюнча долбоор президенттин ыйгарым укуктарын бекемдөөнү көздөп, бийликти мураскерине өткөрүп берүүгө ыңгайлуу шарт түзөт деп эсептейт. Бул тууралуу саясатчы “Азаттыктын” таңкы түз обосунда билдирди.
Балыкчы окуясы боюнча соттолгондор менен алардын жактоочулары алгачкы сот өкүмү боюнча соттук жогорку баскычтарга даттанбайт. Аталган иш боюнча жактоочулардын бири, БЭКтин штаб башчысы Азимбек Бекназаров анын себебин сот акыйкаттыгынан үмүт үзүлгөнү менен түшүндүрдү.
Жогорку Кеңеш жаңы төрагалуу болду. Кыргызстан тышкы саясатта бир өлкөгө таянуудан кайтабы? Журналист Геннадий Павлюктун өлүмү АКШ саясатчыларын да козголтту. Балыкчы окуясы боюнча сот өкүмү чыкты, бирок оппозиция өкүлдөрү бул өкүмгө каршы соттун жогорку баскычтарына кайрылбасын айтып чыкты.
Конституцияга өзгөртүү киргизүү боюнча мыйзам долбоору Конституциялык сотко жолдонду. Коопсуздук кеңештин жоюлушу артында эмне жатат? Кыргызстанда репрессия күч алды деп ондогон интеллектуалдар президентке кайрылды.
Президент К.Бакиев Конституцияга өзгөртүү жана кошумча киргизүү боюнча мыйзам долбоорун дүйшөмбү күнү парламентке жиберген. 17-декабрда парламент аны Конституциялык Соттун кароосуна жөнөттү.
“Кыргызгаз” Өзбекстанга болгон 3 млн. доллар карызын төлөдү. 20-декабрдан кийин кыргыз делегациясы келерки жылга газ сатып алуу боюнча сүйлөшүү үчүн Ташкенге сапар алууда.
Дагы жүктөңүз
