Ушул күздө өкмөт өлкөнүн энергетика тармагын реформалоонун төртүнчү этабын турмушка ашырууга аракеттенүүдө. Бирок ал программанын парламентте колдоо табышы кыйынчылыкка учурашы азыртан эле айкын болууда. Дегеле бул тармакты реформалоонун зарылдыгы барбы жана анын натыйжасы эмнеге алып келет?
Николай Танаев жетектеген өкмөттү Жогорку Кеңештин Эл өкүлдөр жыйыны жайкы сессия учурунда кызматтан кетирүүгө аракет жасаган. Анда үч добуш жетишпегендиктен өкмөт аман калган эле. Эми күзүндө саясаттын курчушу менен өкмөттү алмаштыруу аракети кайрадан баштала турган болуп калды.
“Пирамида” телеканалынын акциясынын бир бөлүгүн “Ареопаг Бишкек” компаниясы сатып алгандыгы кабарланды. Жалгыз көз карандысыз телеканалдын башка колго өтүшү өлкөнүн маалымат мейкиндигине, келечектеги шайлоолорго кандай таасир этет?
19-августа премьер министр Николай Танаев CSAC долбоору боюнча жыйын өткөрдү. Анда өкмөт башчы долбоордун аткарылышы кыйынчылыкка учурап жатканын, бул өз кезегинде 18 миллион долларга жакын траншты алууну жана Париж клубунун Кыргызстандын тышкы карызынын бир бөлүгүн кечүүсүн үзгүлтүккө учуратышы мүмкүндүгүн билдирди.
Өткөн жылдын соңунда Кыргыз өкмөтү менен Канаданын Камеко корпорациясы “Центерра голд” биргелешкен ишканасын түзгөн. “Кумтөр” кени толук кирген “Центерра голд” компаниясынын 30% тегерегиндеги акциясы кыргыз өкмөтүнө, калганы Камекого тийген. Өкмөт башчы Танаев 30% акциянын бир бөлүгү сатылып, акча Улуттук банкка түшкөнүн кабарлаган.
Өтүп бараткан жумада маркум Абсамат Масалиевдин туулган айлында аны эскерүү болуп өттү. Ага түштүк Кыргызстандын булуң-бурчунан миңдеген адамдар келишти.
Ысыккөл облусунун администрациясы кытайлык компанияга Жетиөгүз районунун аймагынан 800 гектар жер берүү максатында сүйлөшүүлөр жүргүзүп жатат. Эгерде бул ишке ашса Кыргызстанга пайдасы көп болобу, же зыяны?
9-августа Улуттук банктын төрагасы Улан Сарбанов мааалымат жыйынын өткөрүп, Кумтөр кенин сатуудан Улуттук банк эсебине акча түшө электигин билдирди.
“Арнамыс” партиясынын лидери Феликс Куловдуy мөөнөтүнөн мурда боштондукка чыгуусуна байланыштуу чатак дале ырбап турат. Бийлик өкүлдөрү Кулов келерки жылы ноябрь айында чыгат десе, өлкөнүн Акыйкатчысы жана “Арнамыс” партиясы Кулов ушул тапта боштондукка чыгууга укуктуу деген пикирде. Маселеге чекит коё турган сот органдары болсо документтер толук эмес деген себеп менен ишти карабай келатышат.
Аба ырайынын бузулушуна байланыштуу Хантеңир чокусунун айланасында куткаруу иштерин жүргүзүү бүгүн үзгүлтүккө учурады. Чокуга чыгууга бет алган бир катар өлкөлөрдүн альпинисттери 5-августта кар көчкүдө калган. Алардын арасында набыт болгондор жана дайынсыз жоголгондор бар.
5-августа Хантеңир чокусунда катуу көчкү жүрүп, андан чет өлкөлүк алты альпинист набыт болуп, дагы алты адам дарексиз жоголду. Учурда кырсык болгон жерде кыргыз жана орус адистери куткаруу иштерин жүргүзүүдө.
Кыргызстан менен Өзбекстан түбөлүк достук жөнүндө келишимге кол койгон. Бирок эки өлкөнүн соодасы акыркы кезде төмөндөгөндөн төмөндөп баратат. Андан сырткары чек араны аныктоо боюнча татаал сүйлөшүүлөр жүрүп, бир катар материалдык-техникалык, курулуш баалуулуктарынын башын ачуу маселеси чечилбей келатат. Андан Кыргызстан пайда көргөн жери жок.
/images/domestic/masaliev.jpg 31-июль күнү кечинде кыргыздын көрүнүктүү мамлекеттик ишмери, 71 жаштагы Абсамат Масалиев жүрөгү кармап, дүйнөдөн кайтты. Масалиев 1985-жылдан 90-жылдын октябрынын соңуна чейин Кыргызстанды жетектеп турган. Маркумдун тажыясын өткөрүү үчүн кыргыз парламентинин Мыйзам чыгаруу жыйнынынын төрагасы Абдыганы Эркебаев башында турган мамлекеттик комсиссия түзүлдү.
30-июлда Ташкентте бир нече жардыруу болду. Бул жардыруу быйылкы жыл ичиндеги Өзбекстандагы экинчи ири террордук акт. Окуяга карата Кыргызстандыктардын пикири менен Айданбек Акмат уулу тааныштырат.
28-июнда өкмөттүн кезектеги жыйыны болуп, анда чек ара кызматын өнүктүрүү, айыл чарба тармагынын абалы тууралуу маселе талкууланды. Жыйындын соңунда чек ара кызматын өнүктүрүү тууралуу жана айыл чарба министрлигинин “Кант”, “Соя” аттуу программалары кабыл алынды.
27-июлда өкмөт үйүндө өлкөнүн алты ай ичинде өнүгүүсүнө арналган жыйын болду. Ага президент Аскар Акаев баш болгон мамлекет жетекчилери жана жергиликтүү бийлик өкүлдөрү катышты.
«Кыргызгаз» акционердик коомунун Казакстан менен Өзбекстандын газ ишканаларына карызы бир миллиард сомго чукулдап калды. Мына ушул карыздын айынан Ташкен июнь айынан тартып Кыргызстанга газ берүүнү токтотту. Учурда «Кыргызгаз» калкты "көгүлтүр от" менен камсыздоо маселесин Казакстан үлүшүнөн уруксатсыз газ алуу менен чечүүдө.
24-июлда Бишкекте кыргыз-өзбек өкмөт аралык комиссиянын алтынчы отуруму өттү. Анда жыйырманын тегерегинде маселе каралып, жыйын соңунда үч документке кол коюлду.
Россия президенти Владимир Путин КМШ уюм катары тароо алдында турганын ушул жума башында билдирди. Ага карата кыргыз саясатчыларынын пикири кандай?
Юстиция министрлигинин алдындагы Жаза өтөө мекемелер башкармалыгы Феликс Куловдун арызы Сокулук райондук сотуна жакын арада жеткирилерин маалымдады. Ага байланыштуу Куловдун 22-июлга белгиленген саясий ачкачылык акциясы башталбай турганы кабарланды.
Дагы жүктөңүз
