Ош облусунун губернатору Накен Касиев жетектеген “Элет” партиясы ушул жума башында экинчи курултайын өткөрдү. Анда партиянын документтерин өлкөнүн мыйзамдарына жараша өзгөртүү менен катар, келе жаткан шайлоолорго даярдык көрүү жөнүндө да сөз болду.
12-июлда кечки саат ондон өткөндө кыргыз-казак өкмөттөр аралык комиссиянын төртүнчү отуруму протоколго кол коюу менен аяктады. Анда эки тарап бир катар курч маселелерди чечүүнүн жолдорун аныкташкан.
12-июлда Бишкекте кыргыз-казак өкмөт аралык комиссиянын төртүнчү отуруму болду.Анда эки мамлекеттин кызматташуусундагы бир катар орчундуу маселелер талкууланды.
Июль айынын башында КМШ мамлекеттеринин башчылары Москвада бейформал жолугушуп, орус президенти Владимир Путин уюштурган ат чабышты тамаша кылышкан. Андан бир жума өткөндөн кийин президенттердин ат чабышка эле күйөрман болбой, Европа коопсуздук жана кызматташуу уюмунун ишин сыдыргыга салганы айкын болууда.
9-июлда Улуттук банктын төрагасы Улан Сарбанов маалымат жыйынын өткөрүп, каржы, банк системасындагы абал боюнча маалымат берди. Улуттук банктын төрагасы адегенде алты ай ичинде инфляция 1.01% болгонун, бирок июнь айында анын өсүшүнө этке, бензинге баанын көтөрүлүшү таасир эткенин белгиледи. Июль айында электр энергиясына тарифтин өсүшү жана бензиндин кымбатташы инфляцияга кандай таасир тийгизээри иликтенип жатат, деп билдирди.
Бүгүн «Форум» өндүрүштүк тобунун имаратында «Адилет шайлоо үчүн» бирикмесинин төрагасы Мисир Ашыркулов маалымат жыйынын өткөрдү. Анда бирикменин келечекте жасай турган иштери тууралуу маалымат берилди. Ашыркулов 2005-жылдагы президенттик шайлоого катышпайм деп билдирди.
6-июлда кечке жуук “Адилет шайлоо үчүн” атуулдук бирикмесинин координациялык кеңешинин жыйыны өттү. Анда бирикменин жакын арада аткара турган иштери талкууланып, Шайлоо кодексине кошумча киргизүү боюнча төрт пункттан турган сунуш Мыйзам чыгаруу жыйынына жана Борбордук шайлоо комиссиясына жолдонду.
Жума күнү кечинде “Адилет шайлоо үчүн” бирикмесинин координациялык кеңешинин жыйыны болуп, анда бирикменин платформасынын долбоору жактырылды. Эми ал эки айлык мөөнөткө элдин талкуусуна коюлуп, андан кийин толугу менен кабыл алынмакчы. Платформа жана бирикменин алдыдагы максаттары тууралуу кабарчыбыз Айданбек Акмат уулу бирикменин лидерлеринин бири Адахан Мадумаров бир нече суроо менен кайрылган эле. Назарыңыздарда мына ошол суроо-жооп.
Ушул жуманын башында өлкөнүн Улуттук коопсуздук кызматы тарабынан 10 чакты мамлекеттик кызматкер кармалып, аларга мамлекеттик жашыруун сырды ачкан деген күнөө коюлганы кабарланууда. Бул маселе боюнча Улуттук коопсуздук кызматынын төрагасынын биринчи орун басары Борис Полуэктовго бир нече суроо менен кайрылдык. Назарыңыздарда мына ошол суроо-жооп.
1-июлда Жогорку Кеңештин Эл өкүлдөр жыйыны коопсуздук маселесин талкуулады. Терроризм жана диний экстремизм коркунучу боюнча депутаттарга күч структураларынын жетекчилери маалымат берди.
30-июнда Мыйзам чыгаруу жыйыны каникулга тарады. Өлкөнүн Конституциясына ылайык эми депутаттар 1-сентябрда сессияга чогулат. Ал эми 30-июнда болсо алар ондон ашуун мыйзамды кабыл алышты.
Бул күндөрү Түркиянын Стамбул шаарында өтүп жаткан НАТОнун саммитине кыргыз президенти Аскар Акаев жетектеген делегация катышууда. Орусия баш болгон Жамааттык коопсуздук келишими уюмуна кирген Кыргызстан Түндүк атлантика уюму менен кандай кызматташуусу керек?
"Конституциялык сот президент Аскар Акаевдин келерки жылдагы президенттик шайлоого катышуу мүмкүнчүлүгүн кароого даяр. Ишти кароо Эл өкүлдөр жыйыны Конституциялык сотко өз өкүлүн жиберер замат башталат", деп билдирди Конституциялык соттун төрайымы Чолпон Баекова. Сот бул маселени Мыйзам чыгаруу жыйынынын депутаты Дүйшөн Чотоновдун өткөн жылдагы кайрылуусуна ылайык карамакчы.
25-июнда “Аларча” мамлекеттик резиденциясында Кыргызстан менен Москва шаарынын өкмөттөр аралык комиссиясынын үчүнчү жыйыны болуп, анда эки тараптуу соода-экономикалык, илимий-техникалык жана маданий-гуманитардык кызматташуулардын абалы талкууланды. Жыйынга кыргыз тараптан вице-премьер-министр Жоомарт Оторбаев баштаган, ал эми Москва тараптан Россия борборунун мэринин орун басары Анатолий Петров жетектеген делегация катышты.
18-июнда өкмөт Мыйзам чыгаруу жыйынына өлкө аймагындагы уулуу заттардын калдыктарын зыянсыздандыруу боюнча жүргүзүп жаткан иштери жөнүндө маалымат берди. Анын соңунда атайын токтом жана атом энергиясы боюнча эл аралык агенттигине кайрылуу кабыл алынды.
17-июнда Ташкенде Шанхай кызматташтык уюмуна кирген мамлекеттердин президенттеринин саммити болду. Анын жыйынтыгында бир катар документтерге кол коюлду. Аскар Акаев жыйынга келген президенттер менен жолугушуп, эки тараптуу кызматташтыкты өнүктүрүү боюнча сүйлөшүүлөрдү өткөрдү.
10-июнда “Эл бийлиги үчүн” шайлоо блогунун өкүлдөрү маалымат жыйынын өткөрүштү. Блок келерки жылы өтө турган президенттик шайлоодо Курманбек Бакиевдин талапкерлигин колдой тургандыгы маалым болду.
9-июнда “Электр станциялар” акционердик коомунун төрагасынын орун басарлары маалымат жыйынын өткөрүштү. Алар өткөн жылы Россиянын “Интер РАО ЕЭС” менен түзүлгөн беш жылдык контрактты аткаруу 8-июнда башталганын билдиришти.
8-июнда Жогорку Кеңештин Мыйзам чыгаруу жыйыны президент тарабынан Кылмыш кодексине өзгөртүү жана толуктоо киргизүү тууралуу киргизилген мыйзам долбоорун карап, бирок аны кабыл алган жок. Мамлекет башчысы сунуштаган долбоордо ушактады деп айыпталган адамды камакка алып эмес, акчалай айып салып жазалоо жагы каралган эле.
7-июнда Жогорку Кеңештин Мыйзам чыгаруу жыйынынын депутаттары отурумга кайра чогулуп, сот органдарынын ишине байланыштуу эки мыйзам кабыл алышты. Бирок иштин башы деп депутаттар өз округдарында болгон учурда байкаган бир катар маселелерин оротого салышты.
Дагы жүктөңүз
