Айданбек Акмат уулу

Автору Айданбек Акмат уулу

• Июнь 06, 2004

  КАМАККА АЛУУ УКУГУН СОТТОРГО БЕРҮҮГӨ КИМ КАРШЫ, КИМ МАКУЛ?

  4-июнда өткөн соттордун кеңешмесинде камакка алууга уруксат берүүнү прокуратурадан сот органдарына өткөрүп берүү демилгеси кайрадан көтөрүлдү. Жогорку соттун төрагасы Курманбек Осмонов бул маселе бышып жетилди деген оюн ачыкка чыгарды. Бирок ички иштер министрлиги тарабынан ага каршы пикирлер айтылууда.

• Июнь 05, 2004

  А.АКАЕВ СОТТОРДУН КОРРУПЦИЯГА БАТКАНЫН ДАГЫ БИР ИРЕТ БЕЛГИЛЕДИ

  4-июнда өкмөт үйүндө өлкөнүн сот органдарынын кеңешмеси өттү. Ага президент Аскар Акаев баш болгон мамлекеттик жетекчилер катышты. Кеңешмеде өлкөнүн сот системасын өркүндөтүү боюнча концепция кабыл алынды.

• Май 19, 2004

  ЕККУнун ЭЛЧИЛЕРИ КЫРГЫЗ САЯСАТЧЫЛАРЫ МЕНЕН ЖОЛУГУШТУ

  ЕККУдагы Португалия, Словения, Канада, Норвегия жана Бельгиянын элчилери 18-майда Кыргызстанга келишти. Алар бир катар саясий партиялардын өкүлдөрү менен жолугушуп, келечектеги президенттик жана парламенттик шайлоолорго даярдыктын жагдайын талкуулашты.

• Май 18, 2004

  ӨКМӨТТҮ КЫЗМАТТАН КЕТИРҮҮ АРАКЕТИ ИШКЕ АШПАДЫ

  17-майда Жогорку Кеңештин Мыйзам чыгаруу жыйыны өткөн жылы кабыл алынган токтомдун өкмөт тарабынан аткарылышына байланыштуу маселени кароону улантып, анын жыйынтыгында дагы бир токтом кабыл алды. Бирок токтомдогу өкмөттү кызматтан кетирүүнү талап кылган берене жетиштүү добуш ала алган жок.

• Май 15, 2004

  ПАРЛАМЕНТТИН КОМИТЕТИ МИЛИЦИЯНЫН ИШИН КАНААТТАНДЫРАРЛЫК ЭМЕС ДЕП ТАПТЫ

  14-майда Жогорку Кеңештин Эл өкүлдөр жыйынынын мамлекеттик түзүлүш жана конституциялык мыйзамдуулук боюнча комитети өлкөдө өзгөчө оор кылмыштардын өсүшүнө байланыштуу маселени карада. Анын жыйынтыгында Ички иштер министрлигинин бул багыттагы жүргүзүп жаткан иштерин канааттандырарлык эмес деп тапкан токтом кабыл алды.

• Май 12, 2004

  КАНТ АВИАБАЗАСЫ БОЮНЧА КЫРГЫЗ-ОРУС КЕЛИШИМИ РАТИФИКАЦИЯЛАНДЫ

  Мыйзам чыгаруу жыйынынын депутаттары бүгүн - 11-майда бир катар эл аралык келишимдерди ратификациялады. Алардын ичинде Кант аба майданы боюнча келишим да бар.

• Май 08, 2004

  ПАРЛАМЕНТ КАНЧАЛЫК АЧЫК?

  Жогорку Кеңештин Мыйзам чыгаруу жыйынынын ачыктыгынын деңгээлин иликтөө максатында палатанын төрагасынын алдында атайын жумушчу топ жыл башында түзүлгөн. 6-7-майда Кашкасуу туристтик базасында эл аралык уюмдардын, парламенттин аппаратынын кызматкерлеринин жана саясатчылардын катышуусу менен мына ошол жумушчу топтун жыйыны болуп, анда парламенттин ишин андан ары ачыгыраак кылуу үчүн кандай кадамдар жасалыш керектиги талкууланды.

• Май 05, 2004

  КЫРГЫЗ-КАЗАК МАМИЛЕСИ СЫНООДО

  Кыргызстан менен Казакстан өткөн жылдын соңунда союздаштык тууралуу келишимге кол койгон. Бирок ага карабай эки тараптын экономикалык кызматташуусунда бир катар орчундуу маселелер чечилбей турат. Казак тарап буга байланыштуу Бишкекти айыптоодо. Маселен, жакында эле Казакстандын тышкы иштер министри «биз өлкөнүн бюджетине зыян келгенине карабай Бишкектин өтүнүчтөрүн аткарып, автоунааларды лимитсиз каттатууга жол ачтык. Темир жол тарифтерин төмөндөтүп бердик. Бирок Кыргызстан бизди утурлап кадам жасабай жатат» деп билдирди.

• Май 01, 2004

  КЫРГЫЗСТАНДА АКШнын ДАГЫ БИР ИНСТИТУТУНУН ӨКҮЛЧҮЛҮГҮ ИШТЕЙ БАШТАДЫ

  Кыргызстанда АКШнын бир катар уюмдары иш жүргүзөт. Алардын арасында Улуттук демократиялык институт 7 жылдан бери өлкөдө иштеп келатат. Ал эми ушул аптадан тартып эл аралык республикалык институттун өкүлчүлүгү өз ишмердүүлүгүн баштады.

• Апрель 30, 2004

  Мыйзамдын бет ачары өттү

  29-апрелде Мыйзам чыгаруу жыйынында «Мамлекеттик тил жөнүндө» мыйзамдын бет ачары болду. Ага парламент депутаттарынан сырткары жазуучулар, окумуштуулар жана интеллегенциянын дагы башка өкүлдөрү катышып, кыргыз тилинин абалы, жаңыдан кабыл алынган мыйзамдын тагдыры тууралуу сөз козгошту.

• Апрель 29, 2004

  "ПИРАМИДА" КАЙРА КӨРСӨТҮЛӨ БАШТАДЫ. ЖАНДЫРМАГЫ ЭМНЕДЕ?

  27-апрелде кечки саат бештен тартып, көз карандысыз «Пирамида» телеканалы кайрадан өзүнө таандык метрдик диапозондо чыга баштады. Бийлик өкүлдөрү каналдын техникалык себептерге байланыштуу чыкпай жатканын жана анын чыгуусу үчүн кеминде жарым жыл убакыт жана 40 миң доллар керектигин билдирип жатышкан шартта, каналдын кайрадан чыгуусу, анын чын эле саясий себептерге байланыштуу өчүрүлгөнүн тастыктагандай болууда.

• Апрель 22, 2004

  «ПИРАМИДА» КАНАЛЫ ЖАБЫЛУУ КОРКУНУЧУНДА

  21-апрелде Мыйзам чыгаруу жыйынынын коомдук уюмдар жана маалымат саясаты боюнча комитети «Пирамида» телеберүүсүнүн айланасында түзүлгөн кырдаалды талкуулап, анын жыйынтыгында бир катар чечимдерди кабыл алды. Ага ылайык «Пирамиданын» айланасында түзүлгөн кырдаалды иликтөө максатында депутаттык комиссия түзүү белгиленди.

• Апрель 21, 2004

  ЖЕКЕ ЧАРБАЛАР ОРДУНА КООПЕРАТИВДЕР КЕЛЕБИ?

  Жума башынан бери Жогорку Кеңештин Мыйзам чыгаруу жыйыны «Кооперативдер жөнүндөгү» мыйзам долбоорун талкуулап жатат. Бул мыйзам өлкөнүн айыл чарбасында кооперативдерди түзүү жагын караштырат.

• Апрель 20, 2004

  ТУРСУНБЕК АКУН КАЙРАДАН СОТТОЛУУДА

  19-апрелде Биринчи май райондук сотунда укук короочу Турсунбек Акундун иши каралды. Ага Биринчи май райондук милиция кызматы тарабынан өлкөнүн административдик кодексинин бир нече беренеси боюнча айып коюулууда.

• Апрель 17, 2004

  МЕНИН КОМАНДАМ –КЫРГЫЗСТАН КАЛКЫ

  Кыргызстан үчүн келерки жыл жооптуу. Ал жылы президенттик жана парламенттик шайлоо өтөт. Анын экөөнө тең Мыйзам чыгаруу жыйынынын депутаты Адахан Мадумаров катышаарын билдирген. Келечектеги талапкерге кабарчыбыз Айданбек Акмат уулу учурдагы өлкөдөгү саясий кырдаал, келечектеги шайлоого байланыштуу суроолор менен кайрылган эле.

• Апрель 14, 2004

  ЭМИЛ АЛИЕВ КУЛОВДУН ЖАКЫНДА БОШТОНДУККА ЧЫГААРЫН БИЛДИРДИ

  Абактагы Феликс Куловдун тарапкерлери 15-апрелде Бишкек шаарынан чыгып Сокулук районундагы Жаңыжер жергесиндеги түрмөгө чейин жөө жүрүш акциясын жасап, темир тордун артындагы Феликс Кулов менен жолугушууну көздөшүүдө. Бул акция эмне максатта жасалууда?

• Апрель 14, 2004

  «ПИРАМИДА» СЫНАЛГЫ КАНАЛЫ ОБОГО САЯСИЙ СЕБЕПТЕРГЕ БАЙЛАНЫШТУУ ЧЫКПАЙ КАЛДЫБЫ?

  «Пирамида» сыналгы каналы 17-марттан бери метрдик диапозондо эфирге чыкпай калды. Алгач бул техникалык себептерге байланыштуу болгон окуя катары бааланган. Бирок, сыналгы каналдын башкы редактору Элина Чернявская «тийиштүү оңдоо иштери жүргүзүлгөнүнө карабай, биздин каналдын иштешине мүмкүндүк берилбей жатышында саясий себептер байкалууда» деген санааркаган пикирин бүгүн «Азаттыкка» билдирди.

• Апрель 14, 2004

  ИШЕНБАЙ КАДЫРБЕКОВ: "СОТТОРДУ ЭЛ ТҮЗ ШАЙЛАГАНДА ГАНА АЛАР ЭРКИН БОЛУШАТ..."

  Өткөн жума күнү өлкөнүн Жогорку соту Аксы окуясында жабырлангандардын апелляциялык арызын карап, бирок алардын талабын канааттандырган жок. Жогорку сот мындай чечимди мыйзамга ылайык кабыл алдыбы? Андай чечим кабыл алууга аткаруу бийлигинин таасири барбы? Мына ушундай маанидеги суроолор менен кабарчыбыз Жогорку Кеңештин Мыйзам чыгаруу жыйынынын депутаты Ишенбай Кадырбековго кайрылган эле.

• Апрель 12, 2004

  АПРЕЛДЕ АРБЫН ИШ БОЛОБУ?

  Шайлоо округдарында иштеп келгенден кийин Мыйзам чыгаруу жыйынынын депутаттары пленардык отурумун 12-апрелде башташты. Сессия башталышынын алдында депутаттар жер-жерлердеги элдин көйгөйлөрүн палатадагы президенттин жана өкмөттүн өкүлдөрүнө кабарлашты. Андан кийин «Бажы» кодексинин жаңы редакциясын кароого киришти.

• Апрель 11, 2004

  ЕККУ ТӨРАГАСЫ АЙТКАНДАЙ КЫРГЫЗСТАНДА БААРЫ ЖАЙЫНДАБЫ?

  Европадагы коопсуздук жана кызматташтык уюмунун (ЕККУ) азыркы төрагасы, Болгариянын тышкы иштер министри Соломон Пасси ушул жумада Кыргызстанда сапар менен болуп, бир катар расмий жолугушууларды өткөрдү. Алардын соңунда Соломон Пасси, Кыргызстан жетекчилигинин дарегине бир топ мактоолорду айтып, өлкө сот системасын, ички иштер министрлигин реформалоодо ийгиликке жетип, демократияны курууда алга кеткенин билдирди. Мындай мактоолорду өлкөдөгү саясий партия, өкмөттүк эмес уюмдардын өкүлдөрү кандай кабыл алып жатат? Кыргызстанда чындыгында эле демократия орнодубу? Өлкөдө майкөл-сүткөлбү?

Дагы жүктөңүз