"Азаттыктын" Бишкектеги журналисти.
Конституциялык кеңешме 22-майда соңку жыйынын өткөрдү. Эми кеңешме катчылыгы ишин токтотпостон, жер-жерлерде Баш мыйзам долбоору тууралуу түшүндүрүү иштерин жүргүзмөкчү.
Убактылуу өкмөттү жетектеп келген Роза Отунбаева президенттин да, өкмөттүн да милдетин аткармай болду. Бул боюнча “Өткөөл мезгилдин президенти” деген декрет кабыл алынып, ал жобо катары Конституциянын жаңы долбооруна киргизилди. Бул маселе 27-июнга белгиленген референдумга коюлмакчы.
Коммерциялык эмес жана бейөкмөт уюмдар ассоциациясынын төрайымы, Конституциялык кеңешменин мүчөсү Токтайым Үмөталиева “Азаттыкка” берген маегинде Убактылуу өкмөт референдумга чыгарып жаткан Баш мыйзамга Конституциялык кеңешменин эч тиешеси жок деп билдирди.
Кыргызстандын ишкер чөйрөсү бир айдан ашуун убактан бери ачылбай турган кыргыз-казак, кыргыз-өзбек чек арасынын ачылбай жатканына тынчсызданып, Убактылуу өкмөткө кайрылышты. Алар бул маселени эл аралык уюмдардын катышуусу менен чечүүнү сунушташууда.
Республикалык “Акыйкат” партиясы 18-майда биринчи курултайын өткөрдү. Курултайга өлкөнүн бардык аймактарынан ар кайсы улуттун өкүлдөрү чакырылган. Буга чейин да бир канча партиялар түзүлүп, өз штабдарын ачып иштей баштаганы айтылган болчу.
7-апрелден кийин Кыргызстанда ондогон элдик кошуундар, жаштар уюмдары түзүлдү. Алар негизинен өлкөдөгү, өзгөчө шаардагы талап-тоноону болтурбоо, тынчтыкты сактоого көмөк көрсөтүү максатында уюшкан.
“Кыргыз мамлекеттүүлүгүнүн кайра жаралуусу үчүн” кыймылы 14-майда форум өткөрүп, кыймыл жетекчилигине Коопсуздук кеңештин мурдагы катчысы М. Ниязовду дайындашты. Ага айрым партия, элчилик жана ЕККУ өкүлдөрү да катышты.
Конституциялык реформа Убактылуу өкмөт башчылары жана Бириккен Улуттар уюму, Венеция комиссиясы баш болгон эл аралык уюмдардын өкүлдөрүнүн катышуусунда талкууланды. Эл аралык уюмдардын өкүлдөрү конституциялык реформа өлкөдөгү бардык катмардын катышы менен өтүшү зарылдыгын, эң негизгиси Баш мыйзамдын долбоорун эл кабыл алышы керектигин айтышты.
Коммунисттер партиясынын төрагасы Исхак Масалиев Улуттук коопсуздук кызматынын имаратынан кармалгандан алты сааттан кийин айрым партиялаштарынын басымы менен чыгарылды.
Совет доору урагандан кийин 1993-жылдын дал ушул күнү легендарлуу парламент өлкө баш мыйзамын кабыл алган. Бул күн эгемен Кыргызстандын жаңы тарыхында зор саясий мааниси бар күн катары каралган менен буга чейинки эки бийлик Конституцияны каалагандай өзгөртө берип, анын кадыр-баркын түшүрдү деген пикирлер арбын.
“Акыйкат үчүн” кыймылы партия болуп кайра түзүлүп, парламенттик шайлоого катышат. Кыргызстандагы кырдаалга жана шартка жараша саясий партиялардын активдешип жатканын, дагы бир топ жаңы партиялардын түзүлүп, айрымдардын биригиши ыктымалдыгын саясат талдоочулар да белгилешүүдө.
Убактылуу өкмөт төрайымы Роза Отунбаева 3-майда Милиция Академиясында тартип коргоо кызматкерлери менен жолугуп, ички иштер тармагында боло турган реформалар жөнүндө сөз айтты.
Бүгүн 1-май - бүткүл дүйнөлүк эмгекчилердин тилектештиги күнү. Бул күндүн урматына Коммунисттер партиясы эски аянтка, В.Лениндин эстелигининн алдына майрамдык митинг уюштурду. Анда негизинен эмегекчилдердин укугу корголбой жатканы айтылды.
Конституциянын өзгөртүүлөр жана толуктоолор киргизилген жаңы долбоору ушул күндөрү коомчулуктун кызуу талкуусуна алынып жаткан чагы. Бүгүн Баш мыйзамдын жаңы редакциясын саясий партиялардын парламенти талкуулады.
Экологияны коргоо жана токой чарба агенттигинин жеткечисинин милдетин аткаруучу Топчубек Тургуналиев Конституциянын жаңы долбооруна өлкө жарандары милдеттүү түрдө үч: кыргыз, орус, англис тилдерин билиши керек деп белгиленүүсүн сунуштоодо.
6-7-апрелдеги окуялардын чоо-жайын иликтеген көз карандысыз комиссиянын өкүлдөрү кан төгүлгөн тополоңдун чыгышына Улуттук коопсуздук кызматынын чагымчыл аракеттери алып келген деген билдирүү жасашты. Алардын пикиринде, Акаев өстүргөн кадрлар Элмира Ибраимова, Абдыганы Эркебаев, Кеңешбек Дүйшөбаевдин 7-апрелде өз эрки менен атайын кызматтарга келип колго түшүп бериши да шек туудурат.
Мурдагы ички иштер министри Молдомуса Конгантиевдин 400 чамалаш жактоочулары 26-апрелден тарта Ош-Бишкек кан жолунун Бүргөндү-Майлы-Суу жолунун ортосун тосуп жатышат. Алар Убактылуу бийликтен М.Конгантиевди бошотууну талап кылып жатышат. Убактылуу өкмөттүн аппарат башчысы Эдил Байсалов “Азаттыкка” М. Конгантиевдин абдан маанилүү күбө экенин белгилеп, анын акыркы беш жыл ичинде болгон чуулгандуу кылмыштардын бетин ачуу үчүн зарыл маалыматтарды айтып бериши керек экенин билдирди.
Женева шаарында Бириккен Улуттар Уюмунун Адам укуктарын коргоо кеңешинде Кыргызстандын 2009-жыл үчүн адам укуктары жаатындагы отчету угулат. Бул тууралуу “Азаттыкка” Акыйкатчы Турсунбек Акун билдирди. Анын айтымында, отчет мурдагы өкмөт тарабынан түзүлүп, анын электрондук варианты мурда эле Женевага жөнөтүлгөн. Бирок соңку окуяларга карата отчет өзгөртүлүп даярдалды.
Кыргызстандын Беларустагы Атайын жана Ыйгарым укуктуу элчиси Ишенгүл Болжурова 23-апрелде Минскиде маалымат жыйынын чакырып, кыргыз элинин тарыхый тандоосун жана Убактылуу өкмөттү колдоого алуу чакырыгы менен эл аралык коомчулукка кайрылды.
Убактылуу өкмөт Улуттук телерадио корпорациясын коомдук телекөрсөтүү кылып кайра түзүү ниетин билдирди. Ага ылайык мындан ары, УТРК каржы маселесин албаганда бир дагы мамлекеттик органга баш ийбей, эркин болот.
Дагы жүктөңүз
