"Азаттыктын" Бишкектеги кабарчысы. 2010-жылдан 2017-жылга чейин Ош облусунда кабарчы болуп иштеген. Ош Мамлекеттик университетинин журналистика факультетин аяктаган.
Чыңгыз Айдарбеков 19 күндөн бери депутаттык мандат берилбей жатканын сындап, өзү тууралуу интернетте тараган видеого жооп берди. Шаршенбек Абдыкеримовдун айыптоосуна Ташиевдер жооп берди. Бийлик ишкердин билдирүүсү боюнча териштирүү жүрүп жатканын айтты.
Кыргызстанда катталган А7А5 криптовалютасынын жылдык жүгүртүүсү 100 млрд долларга жетти. Forbes басылмасы жазгандай, Орусиянын тышкы соодасын эсеп-кысабынын 10% жакыны ушул стейблкоин аркылуу өтүп жатат.
Кыргызстанда катталган А7А5 стейблкоини эл аралык криптовалюта базарында чоң көрсөткүчтөргө жетип, жылдык жүгүртүүсү 100 млрд долларга чукулдады. Ал дүйнөлүк белгилүү стейблкоиндердин ичинде бештикке кирип, алып-сатуу күчөгөн кезде экинчи орунга чейин чыгып барууда.
Улуттук коопсуздук комитетинин (УКМК) мурдагы төрагасы Камчыбек Ташиев кызматтан алынып, ИИМге сурак бергенден кийин биринчи ирет коомчулукка чыкты. Бишкектеги мечитте Орозо айт намазынан кийин ал соңку окуяларды учкай комментарийлеп, өз дарегине айтылган айыптоолорду каралоо деп атады.
Улуттук коопсуздук боюнча мамлекеттик комитеттин мурдагы төрагасы Камчыбек Ташиев Ички иштер министрлигинде сурак берди. Ал бир ай мурда кызматынан бошотулуп, өлкөдөн чыгып кеткен.
Улуттук банктын төрагасы Мелис Тургунбаев өз арызы менен кызматтан кетип, ордуна финансы министри болуп иштеп келген Бакыт Бакетаев барды. Тургунбаев бул кадамга эмне себептен барганын комментарийлеген жок.
Мамлекеттик салык кызматы “Кыргызнефтегаз” ишканасындагы коррупциялык схемалар тууралуу иликтөө жарыялады. Ташиевге байланыштуу айтылган бул "жемкорлук схемасы" буга чейин эмнеге текшерилген эмес?
Салык кызматы “Кыргызнефтегаздагы” коррупциялык схемалар тууралуу иликтөө жарыялап, аны УКМКнын экс-төрагасы Камчыбек Ташиевге жана анын туугандарына байланыштырды. Салык мекемеси ортомчу компаниялар аркылуу жүргүзүлгөн операциялардан мамлекет 4 млрд сомдон ашык зыян тартканын билдирүүдө.
Жогорку Кеңештин депутаты Курманкул Зулушев мандатын тапшырды. Башка бир депутат Шаирбек Ташиев Ички иштер министрлигине сурак берип жатканы кабарланды. Укук коргоочу Төлөкан Исмаилова менен эколог-активист Бермет Бөрүбаева милицияга сурак берип чыгышты. Жакынкы Чыгышта кырдаал курч бойдон калууда.
Израил Ливандагы операциясын кеңейтүүдө. Иран колдогон ливандык "Хезболла" уюму менен ЦАХАЛ он күндөн бери бири-бирин аткылап жатат. Президент Жапаров сот ишине кийлигишкендерди өзү тыярын билдирди. Ошто ишкерлер шаарда жасаган жумуштарынын акчасын ала албай калганына даттанышты.
Садыр Жапаров парламентке келип, депутаттарды “элди бөлүп-жарбоого” чакырды. Экс-депутат Куванычбек Конгантиев кармалды. Иран АКШ менен Израилдин чабуулдарына жооп катары Перс булуңундагы өлкөлөргө соккуларын улантууда.
Депутат Шаирбек Ташиев менен экс-депутат Жусупбек Коргонбай уулу сүйлөштү делген тасма талкуу жаратты.
АКШ менен Израилдин соккуларынан каза тапкан аятолла Али Хаменеинин уулу Можтаба Хаменеи Иранда жаңы жогорку лидери болуп шайланды. Жогорку сот Temirov Live, Kloop.kg жана "Айт айт десе" редакцияларын экстремисттик деп тапкан буга чейинки инстанциянын чечимин күчүндө калтырды.
Президент Садыр Жапаров бийликте турган беш жылдын жыйынтыктарын чыгарып, отчёт берди. Ал бул маалда экономикалык чоң өсүш болуп, бюджет көбөйгөнүн, чек ара толук чечилгенин, коррупцияга каршы күрөш жемишин бергенин, курулуш, энергетика, билим берүү жана башка тармактарда өнүгүү болгонун айтты.
Европа Биримдигинин санкциялар боюнча атайын чабарманы Дэвид О'Салливан Бишкекке келип, Кыргызстандын бийлик өкүлдөрү менен жолукту. 26-февралда ал "Азаттыкка" учкай маек куруп, ыктымал санкция жана ага байланыштуу сүйлөшүүлөр жөнүндө айтып берди.
Европа Биримдигинин санкциялар боюнча атайын өкүлү Дэвид О'Салливан Бишкекке келди. 26-февралда ал "Азаттыкка" маек курду. Украинадагы согуштун төрт жылдыгына карата Еврошаркет санкциялардын 20-пакетинин алкагында Кыргызстанга да чара көрүүнү карап жатканы ачыкка чыккан.
Украинадагы согуштун төрт жылдыгы Бишкекте Киевди колдоо акциялары менен коштолду. Кыргыз бийлиги Орусия Украинага басып кирип, согуш ачкандан бери бейтарап турумду карманарын билдирген.
Украинадагы согуштун төрт жылдыгы Бишкекте Киевди колдоо акциялары менен коштолду. Кыргыз бийлиги бул согушта бейтарап турумду карманарын билдирип келет. Санкциялардан буйтоо аракеттеринен улам Батыш өлкөлөрү кыргызстандык компанияларды "кара тизмеге" алууда. Ондогон кыргыз жараны согушта жүрөт.
Жанарбек Акаев Ош шаарынын мэри кызматына киришти. Жеңишбек Токторбаев өз арызы менен кызматтан кетти. Бул арада өткөн аптада Жогорку Кеңештин төрагасы кызматынан кеткен Нурланбек Тургунбек уулу депутаттык мандатын тапшырды.
УКМК төрагалыгынан алынган Камчыбек Ташиев чет өлкөгө убактылуу чыгып кетти. Конституциялык сот Садыр Жапаровдун кайрылуусун карап, президенттик шайлоо 2027-жылы өтөрүн билдирди. Азербайжанда жикчил Тоолуу Карабак жумуриятынын мурдагы өкмөт башчысы Рубен Варданян 20 жылга абакка кесилди.
Дагы жүктөңүз
