Линктер

ЧУКУЛ КАБАР!
17-Июнь, 2021 бейшемби, Бишкек убактысы 12:14

Президент Жээнбеков Москвадагы парадга катышуу үчүн кетти


Жээнбеков жана Путин. Архивдеги сүрөт.

Кыргызстандын президенти Сооронбай Жээнбеков Экинчи дүйнөлүк согуштагы Жеңиштин 75 жылдыгына арналган салтанатка катышуу үчүн 23-июнда Орусияга учуп кетти.

Президенттин сайты сапар орус лидери Владимир Путиндин чакыруусу менен уюштурулганын жазды.

Иш сапардын алкагында Жээнбеков 24-июнда Москванын Кызыл аянтындагы аскер парадына, Кремль дубалындагы белгисиз жоокердин күмбөзүнө гүлчамбар коюу аземине катышат.

Мурдараак Өзбекстандын президенти Шавкат Мирзиёев да Москвага Путиндин чакыруусу менен сапар тартары расмий кабарланган.

Коронавирус пандемиясынан улам Жеңиштин 75 жылдык мааракеси 9-майда өткөрүлбөй, 24-июнга жылдырылган. План боюнча Путин Кызыл аянттагы трибунада согуштун катышуучулары менен болот.

Мурдараак "Bloomberg" агенттиги парадга келе турган Экинчи дүйнөлүк согуштун 80дей катышуучусу карантинге алынганын эки чиновникке таянып маалымдаган эле.

Азербайжан, Чехия, Хорватия, Түркмөнстан, Армения өңдүү бир катар мамлекеттердин жетекчилери Москвадагы парадга баруудан баш тартышты. (SE)

Пикирлерди көрүңүз (11)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.
Бул шерине жабылды, эми талкуу "Фейсбуктагы" барагыбызда (Azattyk.unalgysy) уланат.

XS
SM
MD
LG