Линктер

ЧУКУЛ КАБАР!
11-Май, 2021 шейшемби, Бишкек убактысы 10:33

Аргентина «Спутник V» вакцинасынан кийинки коркунучту каттады


Коронавируска каршы "Sputnik V " вакцинасы.

Аргентинанын Саламаттык сактоо министрлиги вакцина коопсуздугу тууралуу отчетунда Орусияда жасалган "Спутник V" вакцинасы менен эмдөөдөн кийин канда тромбоциттердин деңгээлин азайтуучу (тромбоцитопения) оору козголору, бул кан токтобоо коркунучуна жана тромбозго алып келгени тууралуу кабарланган.

«Фармацевтикалык кабарчы» журналы мындай окуя Аргентинада 1,5 млн. адам эмделден кийин аныкталганын жазды.Ага ылайык, мындай коркунуч эмдөөнүн 0,008% түзөт.

Аргентинада жалпысынан Орусияда жасалган вакцинаны колдонуудан реакция пайда болгон 23 804 учур катталган. Бул жүз миң дозанын 1640,5 учуру. Көпчүлүк учурларда баш оору, сасык тумоо сыяктуу белги, безгек, ийне сайылган жердин оорушу жана жеңил аллергия катталган.

«Спутник V» вакцинасын алгандан кийин жети адамдын абалы оорлогон. Алардын ичинен беш адамда тромбоцитопениядан тышкары анафилаксия (коркунучтуу аллергиялык реакция) байкалган.

COVID-19 илдетине каршы былтыр августта иштелип чыккан орусиялык «Спутник V» вакцинасы быйыл февраль айында үчүнчү сыноодон өтүп, анын натыйжалуулугу 91,6 пайызды түзгөн. Аны колдонууга элүүгө чукул өлкөдө уруксат берилген.

Пикирлерди көрүңүз (2)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.

XS
SM
MD
LG