Линктер

ЧУКУЛ КАБАР!
6-Октябрь, 2022 бейшемби, Бишкек убактысы 07:00

Кылычбек Саркарбаев соттон акталды


Кылычбек Саркарбаев.

Ош шаардык спорт комитетинин мурдагы төрагасы Кылычбек Саркарбаев "документ жасалмалоо" иши боюнча акталганын адвокаты Назгүл Сүйүнбаева "Азаттыкка" билдирди. Ошондой эле, 2020-жылдын февралында Ошто болгон атышуу чырына да катышы жок деп табылган.

Маалыматты Ош облустук сотунун басма сөз кызматы тастыктап, мындай чечимди Ош шаардык соту 11-августта чыгарганын кабарлады.

Саркарбаев Спорт комитетинин башында турганда "кызмат абалынан кыянат пайдаланганы" боюнча иши да "кылмыш белгилери табылбагандыктан" кыскартылган.

2020-жылдын 17-декабрында атайын кызмат Саркарбаевди аты-жөнүн жасалма документ аркылуу өзгөрткөн деген шек менен кармаган. Бир айдан соң ага дагы бир кылмыш иши ачылып, Спорт комитетинин каржылык-чарбалык ишине зыян келтирген деп, Жазык кодексинин 320-беренеси ("Кызмат абалынан кыянат пайдалануу") менен териштирүү башталган. Саркарбаев мамлекетке келтирген зыяндын ордун толтуруу үчүн миллион сом төлөп бергени расмий кабарланып, 16-январда шаардык сот аны үй камагына чыгарган.

33 жаштагы Кылычбек Саркарбаев - эрежесиз мушташ чебери. Анын аты 2020-жылдын февралында Оштогу ок атышуу чырында да аталып, иликтөө жүрүп жаткан.

Ага каршы кылмыш иштери ачылгандан соң Спорт комитетинин төрагалыгынан бошотулган. (SE)

Facebook шеринеси

XS
SM
MD
LG