Мурдагы президент, учурда абакта жаткан Алмазбек Атамбаевдин кызы Алия Шагиева атасынын туулган күнүнө карата Бишкектин Ала-Тоо аянтында көркөм нааразылык акциясын өткөрдү.
"Эркти тор менен сындыра албайсың" деген жазуусу бар темир капастын инсталляциясы коюлган аянтта Шагиеванын өзүнүн сүрөттөрү коюлду.
Андан тышкары каалоочулар үчүн кыл калем өнөрүн сынап көрүү мүмкүнчүлүгү берилди.
"Өзгөрүүлөр шамалы" деп аталган иш-чарада Шагиеванын сүрөт көргөзмөсүнөн тышкары жаз концери, балдар үчүн шоу-программа уюштурулган.
Ала-Тоо аянтына мурдагы президенттин жубайы Раиса Атамбаева, уулу Кадыр жана башка тарапкерлери келишти.
Бүгүн, 17-сентябрда мурдагы президенттин туулган күнүн жана 65 жылдык мааракесин анын тарапкерлери Кой-Таштагы үйүндө да белгилешкен.(MZh/ZKo)
Facebook шеринеси