К. Бакиев Минскиге барганы айкын болду. Убактылуу өкмөт 27-июнда Конституцияны кабыл алуу боюнча референдум белгиленерин билдирди. Саясий партиялар активдеше баштады.
Убактылуу өкмөттүн жетекчилеринин бири Өмүрбек Текебаев 27-июнда референдум, 10-октябрда парламенттик жана президенттик шайлоо өткөрүү белгиленип жатканын 21-апрелдин кечинде маалымдады. Конституциянын жаңы долбоору 25-апрелде жарыяланаары күтүлүүдө.
ИИМде кечээ кризистик кырдаал түзүлүп, министр милдетин аткаруучу эки жолу алмашты. Тартипти жана коопсуздукту камсыз кылуучу министрликтин айланасындагы кырдаал жана андан чыгуу жолдору тууралуу милициянын ардагери, укук коргоочу Рамазан Дырылдаевди кепке тарттык.
Конституциянын жаңы долбоору 19-апрелде жарыяланаары маалым болду. Анда өлкөдө парламенттик бийлик системасын орнотуу каралган. Кулатылган президент Курманбек Бакиев өлкөдөн чыгып кетип, кызматтан кетүү боюнча арызын жазып берди. Кыргызстан ири мамлекеттердин көңүл борборунда калды.
Убактылуу өкмөт өлкөдөгү кырдаалды көзөмөлүнө алууда.Ири мамлекеттер иш жүзүндө жаңы бийликти таануу жолуна түшүштү.
Аскер соту 15-апрелде Исмаил Исаковдун ишин жаңы жагдайларга байланыштуу карап, аны толугу менен актады.
Кыргызстанда 7-апрелден кийин кырдаал бир нукка түшө элек. Бийликке келген Убактылуу өкмөт айрым катачылыктарды кетирип жатса, К. Бакиев президенттик ыйгарым-укуктарын сактап турганын, Ош, Жалал-Абаддан дагы мамлекетти башкара берерин айтууда.
Белгилүү саясатчы Адахан Мадумаров Кыргызстандагы азыркы кырдаал боюнча 13-апрелде маек курду. Ал 5-февралдагы маегинде Курманбек Бакиевдин Конституциялык реформасын “Арабаны аттын алдына коюп алгандай” деп кескин сынга алган эле. Ал эми ага чейин бийлик башчысынын саясатына макул болбой Коопсуздук кеңештин катчысы кызматынан бошонуп кеткен.
Нарында курултайга чогулган эл облустук акимчиликке кирип, элдик губернатор шайлады. Таласта облустук акимчилик оппозициянын колунда турат. Бишкекте, Аксыда, Токмокто, Сокулукта каршылык акциялары өтүп жатат. Баш калаанын борбордук аянтын көздөй эл ага баштаганы айтылууда. “Форум медианын” алдында милиция менен митингчилер кагылышты.
Oппозиция 7-апрелге белгиленген курултайларга даярдыгын күчөттү. Максим Бакиев АКШга барары айкын болду. Николай Бордюжа Кыргызстанга келип кетти.
Кыргызстандын саясатында “жаз жарыш” күчүнө кирип баратат. Оппозиция 7-апрелде жер-жерлерде элдик бийликти орнотуу боюнча курултайларды белгиледи. Бийлик өкүлдөрү да элге чыгып, түшүндүрүү иштерин күчөтүүдө.
29-мартта Жамааттык коопсуздук келишими уюмунун баш катчысы Николай Бордюжа Бишкекте тегерек үстөл жыйынга катышты. Анын соңунда маалымат жыйынын өткөрүп, кыргыз-орус мамилесинде эч кандай салкындоо жок деген пикирин билдирди
Кыргызстанда Ынтымак курултайы өттү. Орусиянын маалымат каражаттары Кыргызстандын бийлигине каршы болуп көрбөгөндөй чабуул жасады. Оппозиция элдик бийликти орнотуу аракетин баштап, жер-жерлерде жолугушууларды, элдик жыйындарды өткөрүүгө камынууда.
Ынтымак курултайынын жүрүшү жана анда кабыл алынган чечимдер боюнча суроолорго курултайдын делегаты, “Кылым шамы” укук коргоо борборунун башчысы Азиза Абдырасулова жооп берет.
Президент К. Бакиев Россияда кыргыз-орус мамилесин чок салууга аракеттенген саясатчылар бар экен деп Ынтымак курултайында сүйлөгөн сөзүндө айтып кетти. Саясат таануучу Табылды Акеров "Азаттыктагы" маегинде кыргыз-орус мамилелеринин сууп бараткан себептерине токтолду.
Белгилүү саясатчы Жыпар Жекшеевдин пикиринде, 24-марттагы ыңкылап болгону факт, бирок анын алдыга койгон максаттары толук кандуу ишке аша элек, өлкөдө адам укуктарын басмырлоо кайра күч алды.
“Ата мекен” партиясынын лидери Өмүрбек Текебаев Бишкекте өтүп жаткан Ынтымак курултайын, анда сүйлөгөн президент К. Бакиевдин сөзүн эки жүздүү жана бет тырмоочулук саясаттын көрүнүшү деп сынга алууда.
“Кыргыз эл биримдиги” уюмунун мүчөлөрү Ынтымак курултайына катышуудан баш тартышты. Уюмдун мүчөсү Кадыр Кошалиев анын себептерин төмөнкүчө түшүндүрөт.
Ынтымак курултайынын алдында “Ак шумкар” партиясы пикет өткөрбөйт. Пикет ордуна Бишкек мэриясынын алдында партия активисттери курултай делегаттарына жолугуп, өздөрүнүн талаптарын гана тапшырышмакчы. Бул жөнүндө бүгүн "Азаттыкка" таңкы уктуруу маалында партиянын лидери Темир Сариев билдирди.
“Ачык саясат” жана “Назар” гезиттеринин ээси Бабырбек Жээнбеков бул эки басылманын жабылып калышын Борбордук өнүктүрүү агенттигинин башчысы Максим Бакиев тараптан түшкөн кызматташуу сунушуна көнбөй койгону менен байланыштырат.
Дагы жүктөңүз
