Амирбек Азам уулу

Декабрь 29, 2007

БЕНАЗИР БХУТТОДОН КИЙИН ПАКИСТАНДА ЭМНЕ БОЛОТ?

Беназир Бхутто эки ай мурда Пакистанга кайтып келгенде, мекендештеринде өлкө эми демократияга жана стабилдүүлүккө багыт алат деген үмүт жаралган. Бхуттонун бейажал өлүмү - элдин илгери үмүтүн өчүрүп, “Пакистан туңгуюкка кайра такалдыбы?” деген кооптонууларды пайда кылды. Первез Мушарраф орноткон аскерий режим өзөктүк куралы бар өлкөнү капсалаңдан бүлүнтпөй алып чыгып кете алабы?

Декабрь 28, 2007

2007: ИРАКТА КООПСУЗДУК ЖАКШЫРУУДА, БИРОК САЯСЫЙ ЖИКТЕШҮҮ УЛАНУУДА

Көпчүлүк серепчилердин баамында, 2007- жылы АКШ башындагы коалициялык күчтөрдүн Иракта коопсуздукту камсыздоо аракети үзүрүн бере баштады. Ийгиликке, биринчи кезекте, президент Жорж Буштун Ирактагы аскерлердин санын көбөйтүүсү өбөлгө болду. Былтыр сунни жана шиит саясатчыларынын өз ара тирешүүнү коюп, өлкөнүн келечегеи үчүн чогуу аракеттенлели деп макулдашпаса, жагдай катаал бойдон кала бермек, дешет талдоочулар.

Декабрь 28, 2007

ДҮЙНӨЛҮК ЭКОНОМИКА 2007-ЖЫЛЫ БАШТАН КЕЧИРГЕН КАПСАЛАҢДАР

Дүйнөлүк экономикага көз салсак, өтүп кеткен 2007-жылы эларалык базарда мунайдын баасы кескин өсүп, азык түлүктүн наркы да олутуу кымбаттаганы көпчүлүк жарандардын эсинде. Бул кубулуштарга эмне себеп болду? Жаңы жылда экономикан эмне күтөт? Бул суроолорго эксперттер эмне дешет?

Декабрь 21, 2007

ПРЕЗИДЕНТ БУШ: СОГУШ – ИДЕОЛОГИЯЛЫК СОГУШТУН ЭЛЕМЕНТИ

20- декабрда Жорж Буш жарым саат бою журналисттердин Орусия президенти Владимир Путинге, Ооганстандагы жана Ирактагы кырдаалга байланыштуу жана башка суроолоруна жооп берди. АКШ президентинин айтымында, согуш –бул идеологиялар ортосундагы согуштун бир бөлүгү саналат. Бул президент Жорж Буштун 2007- жылдагы акыркы пресс-конференциясы болду.

Декабрь 19, 2007

ОРУСИЯЛЫК ЛИБЕРАЛДАР ПРЕЗИДЕНТИККЕ БИРДИКТҮҮ ТАЛАПКЕРДИ КӨРСӨТӨ АЛАБЫ?

23- декабрь- Орусия президенттигине талапкерлерди каттоонун акыркы күнү. Таанымал талапкерлер Борбордук шайлоо комиссиясына тийиштүү документтерди тапшырышты. Ошол эле учурда айрым либерал- талапкерлер али каттала элек же жарыштан чыгууга мажбур болушту.

Декабрь 14, 2007

ЛИССАБОНДО ЕВРОПА БИРИМДИГИНИН БАЗАЛЫК КЕЛИШИМИНЕ КОЛ КОЮЛДУ

13-декабрда Португалиянын борбору Лиссабондо Европа Биримдигине мүчө мамлекеттердин жетекчилери уюмдун базалык келишимине кол коюшту. Евробиримдиктин жетектөөчү органдарын реформалоочу жаңы келишим биримдиктин орток конституциясын алмаштырат. Башмыйзамдын долбоорун француздар менен нидерланддар 2005- жылкы референдумда жактырбай четке кагышкан.

Декабрь 13, 2007

ЕВРОБИРИМДИКТИН ЛИССАБОН САММИТИНДЕ ТҮРКИЯ ЖӨНҮНДӨ КЕП БОЛБОЙТ

Евробиримдиктин жетекчилиги бейшемби күнү Лиссабондо жалпы европалык жөнөкөйлөтүлгөн конституциялык келишимге кол коюшат. “Жаңыланган келишим” деп аталган бул документ кеңейген Евробиримдиктин ишмердүүлүгүн бир ыраатка салыш керек. 2005- жылкы референдумда француздар менен нидерланддар жалпы европалык башмыйзамдын долбоорун бекитпей коюп, Евробиримдик туңгуюкка камалган эле.

Декабрь 11, 2007

ПУТИН “БАЛАСЫНДАЙ КӨРГӨН” МЕДВЕДЕВДИ БИЙЛИКТИН МУРАСКЕРИ ДЕП ТАНДАДЫ

Президент Путин орусиялыктарды бир нече айдан бери ойдолоктоткон имиш кепке чекит коюп, премьер-министрдин биринчи орун басары Дмитрий Медведевди өзүнүн мураскери деп жарыялады. Путиндин айтымында, ал “Медведевди билет, аны менен 17- жылдан ашуун тыкыс жана үзүрлүү иштеген”. Талдоочулардын пикиринде, Медведевди тандоо-Путинде президенттиктен кеткенден кийин да бийликтин чылбырын колдон чыгарбоо ниети бар экенин күбөлөйт.

Декабрь 10, 2007

ТҮРКМӨНСТАНДЫК ШАЙЛООЧУЛАР “ЖОГОРКУ АҢ-СЕЗИМИН” КӨРСӨТТҮ

9-декабрда Түркмөнстандын мыйзам чыгаруу бийлиги - Халк Маслахатындагы бош орундарга шайлоо болду. Шайлоочулар Элдик кеңештин Ашхабад шаардык жана облустук органдарынын мүчөлөрүн 596 талапкердин ичинен тандашты. Ырасмий маалыматтар боюнча, добуш берүүгө шайлоочулардын 80 пайыздан көбү катышты. Шайлоо өнөктүгү кадыр барктуу эларалык байкоочуларсыз өттү.

Декабрь 10, 2007

МОСКВАЧЫЛ ЧЕЧЕН ЖЕТЕКЧИЛИГИ ОЙЛОП ТАПКАН “ЭЛДИК ИСЛАМ” САЯСАТЫ

Чеченстандын москвачыл президенти Рамазан Кадыров 2007-жылдын мартында бийликке келгенден тарта чечендерге ылайыктуу “элдик исламды” жайылтууга шымалана киришти. Кээ бир байкоочулар бул өнөктүктү суфизмдин чечендер арасында жайылган тарикатын вахабизмге каршы коюу аракети деп мүнөздөштү. Бирок, экинчи бир талдоочулардын пикиринде, суфизм, вахабизм сыяктуу эле саясый күрөштүн куралы ирети колдонулмакчы.

Ноябрь 21, 2007

УКРАИНАНЫН ЗАСЯДЬКО КЕНИ 89 КЕНЧИНИН ӨМҮРҮН ЖАЛМАДЫ

Украинанын чыгышындагы Донецк облусундагы Засядько көмүр кенинде жекшемби күнкү кырсыкта ажал алган адамдардын саны 89га жетти. Бул күнкү алаамат Украина күнкорсуз болгондон берки эң жаман окуя болду. Буга байланыштуу өлкөдө үч күнгө аза күтүүдө. Дагы 11 кенчинин тагдыры белгисиз.

Ноябрь 19, 2007

КОСОВОДОГУ ШАЙЛОО АНЫН СЕРБИЯДАН БӨЛҮНҮП ЧЫГУУГА ЖАКЫН ЭКЕНИН ЫРАСТАДЫ

Сербиянын Косово провинциясында өткөн парламенттик шайлоодо, алдын ала маалыматтар боюнча, Хашим Тачи башындагы Косово демократтык партиясы жеңди. Хашим Тачи - премьер-министр болуп бекитилсе, 10-декабрдан кечиктирбей Косовону күнкорсуз мамлекет деп жарыялай турганын билдирди. Бул күнү Серб- Косово сүйлөшүүсүнүн арачылары АКШ, Евробиримдик жана Орусия БУУнун башкатчысына сүйлөшүүнүн жыйынтыгы жөнүндө доклад жасаш керек. Сүйлөшүү майнапсыз бүтөөрү азыртан айтылууда.

Ноябрь 16, 2007

ТҮРКМӨН ГАЗЫ АШХАБАДГА КИМДИ АЛЫП КЕЛБЕДИ

Ашхабадда мунай- газ прблемасына арналган чоң эларалык конференциясы аяктады. Жыйынга АКШнын жана Евробиримдиктин мартабалуу ырасмий адамдары, 33 өлкөдөн башындагы 300дөй компаниянын, анын ичинде “Shevron”, “British Petrilium” сыяктуу алп оюнчулардын өкүлдөрү катышты. Мунун өзү, байкоочулардын айтымында, Түркмөнстан Батышка газ кендерин ачууга жана тышкы капиталга өтө кызыкдар экенин, Батыш өлкөлөрү да альтернативдүү газ булагын издеп жатканын көрсөтөт.

Ноябрь 15, 2007

ТИБОР ПОДОБА: СЛОВАКТАР КЫРГЫЗСТАНДЫН КЕРЕМЕТ ЖЕРИН КӨРҮП, КААДА-САЛТТАРЫН БИЛГЕНИ ЖАКШЫ

Тибор Подоба- Кыргыз Республикасынын Словакиядагы Ардактуу консулу. Бул ардактуу кызматты аткарган адам Кыргыз мамлекетинин атынан Словакиядагы түрдүү ырасмий жыйындарга катышып, өкүлчүлүк кылат. Консулдук кызматтын мааниси, Словакия- Кыргызстан арасындагы байланыштар жана анын келечек багыттары тууралуу Тибор Подоба мырза “Азаттык” радиосуна интервью берди.

Ноябрь 14, 2007

ТАЖИКСТАНДЫН БАЙТАКТЫНДА ЖАРДЫРУУ БОЛУП, БИР КИШИНИН КАНЫ ТӨГҮЛДҮ

Шаршемби күнү эртең менен Дүйшөмбү шаарындагы “Кохи Вахдат” маданият сарайынын жанында жардыруу болуп, бир киши каза тапты. Сарайда өткөнү жаткан эл аралык жыйында Тажикстандын премьер-министри Акил Акилов сөз сүйлөмөк. Өлкөнүн башкы прокурору Мухаббатов жардырууну “террорчулук” деп атады.

Ноябрь 14, 2007

ГРУЗИН ОППОЗИЦИЯСЫ ПРЕЗИДЕНТИККЕ БИРДИКТҮҮ ТАЛАПКЕРДИ КӨРСӨТӨ АЛБАДЫ

Грузин оппозициясы президенттикке талапкер деп ишкер-парламентарий Леван Чачечиладзени көрсөттү. Андан башка дагы үч адам президенттикке ат салышаарын жарыя кылды. Грузияда кезексиз президенттик шайлоо 5- январда өтөт. Ал эми шайлоо өнөктүгү 22- ноябрда башталат. Байкоочулар оппозиция арасында мунаса жок болгондуктан, президент Саакашвилинин кайра шайланууга мүмкүнчүлүгү бар экенин айтышууда. Бирок, шайлоого чейинки 1,5 айда көп нерсе өзгөрүп кетиши да ыктымал.

Ноябрь 13, 2007

БХУТТО ПРЕЗИДЕНТ МУШАРРАФКА АРМИЯНЫН БАШКЫ КОМАНДАЧЫЛЫГЫНАН БАШ ТАРТУУГА ҮЧ КҮН БЕРДИ

Жекшемби күнү Пакистандын президенти Первез Мушарраф парламенттик шайлоо келерки жылдын 9- январына чейин өткөрүлөт деп билдирди. Бул кадамды оппозиция лидерлеринин бири, экс- премьер Беназир Бхутто чукул кырдаал абалына каршы жалпы улутту жүрүшкө чакырып, генерал Мушаррафтын үч күн ичинде армиянын баш командачылыгынан баш тартуусун талап кылды. Эки жума илгери Пакистанда киргизилген өзгөчө кырдаал абалы качан токтотулат, белгисиз. Катаал чарага удаа оппозициянын жүздөгөн мүчөлөрү камакка алынып, жыйындарды өткөрүүгө жана айрым бейөкмөттүк маалымат каражаттарына тыюу салынган.

Ноябрь 12, 2007

ИРАН ШИИТТЕРИ СУФИЙЛЕРДИН КЕЧИЛКАНАСЫН БУЗУП САЛЫШТЫ

Ишемби- жекшемби күндөрү Ирандын батышындагы Боружерд шаарында суфийлер менен шииттер ортосунда чоң жаңжал болду. Ассошэйтед пресс агенттигинин маалымдашынча, кагылышууда ондогон адамдар жараат алып, шаардагы суфийлердин кечилканасы кыйратылды. Чатакты коопсуздук күчтөрү баскан жана 180дей адам камакка алынган. Талдоочулардын айтымында, 1979- жылкы ислам ынкылабынан бери Ирандагы диний жамааттар ортосунда мындай чоң чатак болгон эмес.

Ноябрь 09, 2007

СААКАШВИЛИ ШАХМАТТЫК ЖҮРҮШ ЖАСАДЫ

Грузияда 15 күнгө өзгөчө кырдаал абалы киргизелгенден 1 күн өтпөй президент Саакашвилинин президенттик шайлоону мөөнөтүнөн мурда 2008- жылдын 5- январыда өткөрүү жөнүндөгү жарлыгы чыкты. Калк президентти шайлоого катар парламенттик шайлоону жазда же күздө өткөрүү боюнча да пикирлерин билдирет. Бирок, алты күн уланган демонстрацияны күч менен басуу жана жарандардын укуктарын чектөө Саакашвилини демократиячыл деп колдоп жүргөн Батыш коомчулугуна да жаккан жок. Адам укугун коргоочу Фридом Хаус уюму болсо демократиянын негиздерине каршы деп, чукул кырдаал абалын токтотууга үндөдү.

Ноябрь 08, 2007

ГРУЗИЯДА 15 КҮНГӨ ЧУКУЛ АБАЛ КИРГИЗИЛДИ

Бүгүндөн баштап Грузияда 15 күнгө өзгөчө кырдаал абалы киргизилди. Адегенде чукул кырдаал абалы башкалаада 48 саатка жарыяланган. Шаршемби күнү Тбилисиде коопсуздук күчтөрү антиөкмөттүк демонстрациянын миңдеген катышуучуларын күч колдонуп таркаткан эле. Президент Саакашвили Орусиянын коопсуздук кызматтарын грузин өкмөтүнө каршы кутумчулук кылды деп күнөөлөп, орус элчилигинин үч кызматкери Грузиядан чыгарыла турганын билдирди. Грузиянын Москвадагы элчиси Тбилисиге масилeтке деп чакырып алынды.