"Азаттыктын" Бишкектеги кеңсесинин журналисти. 2009-жылы Internews уюмунун "Жылдын мыкты радио журналисти" наамын алган.
Экономикалык талдоочу Жаныбек Оморов энергетика тармагы туура башкарылып, иш билги адистер келсе Кыргызстанды гүлдөтөт деп эсептейт.
Парламенттин мурунку төрөгасы, “Элдик кеңеш” кыймылынын жетекчиси Мукар Чолпонбаев жалпы кыргыз элинин курултайын чакырып, бүгүнкү убактылуу өкмөттү мыйзамдуу кылып бекитүү зарыл деген оюн билдирди.
Кыргызстандагы нефтетрейдерлер ассоциациясынын жетекчиси, белгилүү коомдук ишмер Базарбай Мамбетов убактылуу өкмөттүн алдындагы биринчи кезекте чечүүнү талап кылган маселелер катары токтоп турган заводдорун ишин жандантууну, "Кумтөр" алтын кени боюнча келишимди кайра карап чыгууну, Россия, Казакстан, Өзбекстан менен соода-экономикалык байланыштарды колго алууну атады.
Президент К. Бакиев жанын, ага-туугандарын, бала-бакырасын сакташ үчүн жан айласы кылып, эл аралык уюмдардан арга издөөдө. Буга кыргыз эли дагы, эл аралык коомчулук дагы жол бербеши керек дейт саясат талдоочу, аскер жана коопсуздук маселелери боюнча эксперт Токтогул Какчакеев.
Нарында курултайга чогулган эл облустук акимчиликке кирип, элдик губернатор шайлады. Таласта облустук акимчилик оппозициянын колунда турат. Бишкекте, Аксыда, Токмокто, Сокулукта каршылык акциялары өтүп жатат. Баш калаанын борбордук аянтын көздөй эл ага баштаганы айтылууда. “Форум медианын” алдында милиция менен митингчилер кагылышты.
БУУнун баш катчысы Пан Ги Мун Жогорку Кеңеште жакырчылыкты азайтуу, аялдарга карата зордук-зомбулукту токтотуу, тынчтыкты, коопсуздук камсыздоо, адам укугун, басма сөз эркиндигин коргоо маселелерин козгоду.
Өзгөчө кырдаалдар министрлиги кышында кар көп жаагандыктан жаз айларында суу ташкындары болушу мүмкүндүгүн эскертип жатат. Мына ушул жаратылыш коркунучтары жөнүндө Өзгөчө кырдаалдар министрлигинин Калк жана ММК менен иштөө бөлүмүнүн адиси Абдишарип Бекилов “Азатыктын” окурмандарына айтып берди.
Оппозиция президент сунуштап жаткан “кеңешме демократияны” талкуулоо үчүн бүгүн Бишкекте жыйын өттү. Президенттин жаңы саясий демилгеси боюнча “Ак шумкар” партиясынын төрагасы Темир Сариев ой-пикир бөлүштү.
“Манас” эпосу тууралуу мыйзам долбоорун Президент Жогорку Кеңештин кароосуна жөнөтту. Чыңгыз Айтматов атындагы Тил жана адабият институтунун директору, окумуштуу Абдылдажан Акматалиевди ушул темада кепке чакырдык.
Москвадагы болгон жардыруулардан кийин келгин адамдардын үстүнөн текшерүүлөр күчөп, эмгек мигранттарынын турмушу кыйындайт деген тынчсыздануулар болуп жатат. Алардын ой-санаасын баскан маселелер жөнүндө Москвадагы кыргыздардын «Аруужан» коомдук фондунун төрайымы Бактыгүл Сейитбекова айтып берди.
1-апрелде Кыргызстандын президенти Курманбек Бакиев менен Словакиянын лидери Иван Гашпарович жолугушту. Кыргыз-словак мамилелери тууралуу тарыхчы Турат Сырдыбаев “Азаттыкка” маек курду.
Адам укуктарынын абалы, абактагылардын укугу тууралуу Оштогу “Соломондун нуру” аттуу коомдук бирикменин жетекчиси Садыкжан Махмудов “Азаттыкка” маек курду.
Бириккен оппозиция 7-апрелде бүтүн өлкө боюнча элдик курултайларды өткөрүүгө камынып, жер-жерлерде уюштуруу комитеттери иш алып барууда.
Москва шаарынын метросунун эки бекетиндеги кечээки жардырууларга байланыштуу Кыргызстандагы стратегиялык анализ жана прогноздоо институнун адиси Канат Түкеев “Азаттык" менен ой бөлүштү.
Өкмөт башчы Данияр Үсөновдун Нарынга сапары, жергиликтүү калктын маанайы тууралуу Нарындагы электр кубаты жана жылуулуктун баасын төмөндөтүү боюнча кыймылдын өкүлү Эркин Асаналиев “Азаттыкка” маек курду.
Өтүп бара жаткан жумадагы орчун окуя - Ынтымак курултайы болду. Анда президент Курманбек Бакиев өкмөттүн тарифтик саясаты, мурунку коргоо министри Исмаил Исаков тууралуу пикирин коомчулукка ачыктады. Делегаттар соңку учурда оппозиция сындап келген үй-бүлөлүк башкаруу темасынан башка дээрлик бардык маселелерди көтөргөнгө үлгүрүштү.
Бул эки гезиттин ээси Бабырбек Жээнбеков басылмаларын бийликке иштетүү тууралуу сунуш түшкөнүн, бирок аны четке каккан соң басылмалары жабылып жатканын билдирди. Учурда АКШда жашап жаткан уулу Равшан Жээнбековго да кызмат сунушталганын айтты.
Өнүктүрүү фондундагы акчаларды башкарууга MGN Group компаниясынын активдери жетиштүү эмес болчу. Ошондуктан аталган фонд ал компания менен келишимди үздү. Бул тууралуу Өнүктүрүү фонддун төрагасы Игорь Чудинов 18-мартта билдирди. Оппозиция болсо бийлик мындай фондду өлкөдөгү каражатты өз каалагандай пайдалануу үчүн гана түзгөн, деп сындап жатышат.
Элдик курултай жана анда бийликке коюлган талаптар боюнча президент Курманбек Бакиевдин басма сөз катчысы Алмас Турдумаматов “Азаттыкка” комментарий берди.
15-мартта Бишкекте тартип коргоо органдары “Форум” гезитинин бүт нускасын тартып алды. Ички иштер министрлиги буга эмне негиз болгонун азырынча так маалымдай элек. Кыргызстандагы Медиа өкүл Акмат Алагушов бул көрүнүштү жарандардын конституциялык укуктарын басмырлоо фактысы катары айыптады.
Дагы жүктөңүз
