Бул жумада кинорежиссер Эрнест Абдыжапаров жаш кинорежиссерлорго устаттык сабактарды өттү. Анын алкагында кинодраматургия жаатында, актерлук чеберчилик боюнча, кинорежиссура, монтаж иштери жана башка ушул сыяктуу маалыматтар берилди. Устаттык сабак бүгүн жыйынтыкталат. Ага катышкан улан-кыздар Эрнест Абдыжапаровдун көзөмөлү алдында тасма тартууга мүмкүнчүлүк алышат. Ал эми ал тасмлардын бет ачаар аземи ноябрь айында өтмөкчү.
Айгүл Жунушалиева, Бишкек 11-апрелде Бишкекте “Чийген таш” аттуу көргөзмө өттү. Анда сүрөтчү Кожон Дарбановдун эмгектери эл сынына коюлду. Ал тогуз жылдан бери Ош облусуна караштуу Өзгөн районундагы ар кыл жазуу-чиймелер чегерилген байыркы доордон бери сакталып калган таштар жайгашкан жерде жашайт. Кожон Дарбанов жана көргөзмөнүн уюштуруучусу айкелчи Равшан Маматкулов бул иш-чара тууралуу “Азаттыкка” маек куруп беришкен.
“Талант тагдыры” түрмөгүнүн жаңы саны кыргыздын профессионал ырчыларынын ичинен алгачкылардан Чайковский атындагы Москва консерваториясынын аваздык-вокалдык ырдоо классын бүтүргөн жогорку билимдүү опера ырчысы, Республиканын эл артисти Сейдакмат Токтоналиевдин туулган күнүнүн 80 жылдыгына жана жаркын элесине арналды.
Бүгүн Бишкекте Жолдошбай Абдыкалыков атындагы адабий сыйлыкты тапшыруу аземи болот. Улуттук китепкананын “Оту өчпөгөн талант ордосу” тарабынан уюштурулган сынакка 35 жашка чейинки акындар катышты. Анда өлкөнүн баардык аймактарынан чыгармалар кабыл алынып, тематикалык жактан чектөө коюлган жок. Уюштуруучулардын айтуусунда бул жолу өзгөчө элет жериндеги жаштарга көңүл бурулду.
Маектешкен Шайырбек Эркин уулу, Бишкек Баткен облусундагы Айгүл тоо деген жерде дүйнөнүн эки-үч жеринде гана өсүүчү сейрек кездешкен Айгүл деген ажайып гүл өсөөрү белгилүү. Айгүл дал ушул апрель айында гүл ачат. Бир кезде бул гүлдүн таптакыр жоголуп кетүү коркунучу туулуп, аны жергиликтүү мектептин мугалимдери өз демилгеси менен коргоого алган болчу. Бул гүлдүн бүгүнкү абалы тууралуу “Азаттык” үналгысына белгилүү обончу, Баткен облустук музыкалык драма театрынын жетекчиси Апас Жайнаков маек куруп берди.
Бүгүн Бишкек гуманитардык университетинде белгилүү адабиятчы, акын Абдылдажан Акматалиевдин “Жан дүйнөм” аттуу поэзия кечеси өтөт.
Маектешкен Шайырбек Эркин уулу, Бишкек Учурда Москвада жашаган белгилүү кинорежиссер Нурбек Эген бул күндөрү Кыргызстан аймактарын кыдырып, “Манастын төрөлүшүн утурлай” деп аталган даректүү-публицистикалык жаңы тасмасына каармандарды издөөдө. Режиссер ошол тасманын тартылышы тууралуу “Азаттык” үналгысынын айрым суроолоруна жооп берди.
Бүгүн Бишкекте Казакстандан келген Калибек Куанышбаев атындагы казак музыкалык-драма театрынын гастролу башталат.
Бүгүн Баткенден белгилүү кинорежиссер Нурбек Эгендин “Ыйык Атажурт” фонду, “Санжыра” кинокомпаниясы жана “Шоокум” журналы менен бирдикте республиканын жаштары менен жолугушуусу башталды.
Дүйшөмбү күнү балдардын “Сейтек” борборунда мектеп окуучулары үчүн Чыңгыз Айтматовдун чыгармасынын негизинде коюлган “Бугу эне” спектакли тартууланды. Аны “Жаш кыял” үлгүлүү бий ансамблинин таланттары көрсөтүштү. Жазуучунун 80 жылдык мааракесине карата уюштурулган иш-чаранын алкагында ошондой эле Чыңгыз Айтматовдун эмгектеринен турган көргөзмө ачылды.
“Талант тагдыры” түрмөгүнүн бул жолку чыгарылышы аз жашаса да кыргыздын элдик салттуу ыр жанрын байытууга бараандуу салымын кошкон обончу, көптөгөн республикалык сынактардын ээси Маданбек Алмакуновдун туулган күнүнүн 70 жылдыгына, чыгармачылык тагдырына арналды. Белгилүү шайырдын жаркын элесине арналган берүүнү кабарчыбыз Балбай Алагушов даярдады.
Бул жумада “Учур” телетеатры Султан Раевдин --> http://rfe.azattyk.org/rubrics/culture/ky/2008/03/3C42EF6E-0BDB-4E48-9831-5ACA6952AAD5.asp пьесасынын негизинде коюлган “Меккеге карай узак-узак жол” спектаклинин премьерасын тартуулашат.
Дагы жүктөңүз