1961-жылы жазуучу Чыңгыз Айтматовдун “Кызыл жоолук жалжалым” аттуу лирикалык повести “Дружба народов” журналына жарыяланат. Ошол эле жылы повестин негизинде орус кинорежиссеру А.Сахаров “Ашуу” деген ат менен көркөм фильмди тартат. Белгилүү кыргыз режиссеру Бообек Ибраев “Кызыл жоолук жалжалымды” сахналаштырып, Нарын облустук азыркы Муратбек Рыскулов атындагы музыкалуу драма театрына коет. Белгилүү обончу, эл артисти Калыйбек Тагаев повестин баш каарманы күндүр-түндүр жол жүргөн шофер Ильяс жана жолчулар ырдай турган “Долон” аттуу ырды жазат. Ырдын кантип жаралгандыгы боюнча Калыйбек Тагаев айтып берди.
Бүгүн кыргыз кино үйүндө кечки саат беште кинотаануучу Владимир Михайловдун “Кыргыз киносунун тарыхы” аттуу сүрөттүү китебинин бетачары өтөт. Аталган эмгек кыргыз кино тармагынын бүтүндөй тагдырын камтыйт.
Кечээ УТРК “Азаттык” үналгысынын ар шаршемби сайын обого чыгуучу “Ыңгайсыз суроолор” сыналгы берүүсүн обого чыгарган жок. Мына ушул маселе боюнча “Журналисттер” коомдук бирикмесинин координатору Мэри Бекешова “Азаттык” үналгысына маек куруп берди.
“Азаттык” үналгысы менен Улуттук сыналгы каналы (УТРК) биргелешип даярдап келе жаткан <a class="content_link" href=http://rfe.azattyk.org/rubrics/politics/ky/2008/04/2721B235-BBAD-4A75-93AF-2302846EC56C.asp"> “Ыңгайсыз суроолор”</a> телепрограммасы кечээ көрсөтүлгөн жок. Ага эмне себеп болгондугу жөнүндө Улуттук телеканалдын жетекчилиги азырынча түшүндүрмө берген жок. Бирок “Азаттыктын” угармандары соңку программага оппозициянын лидерлеринин бири, “Ата Мекен” партиясынын төрагасы Өмүрбек Текебаевдин катышкандыгынан улам бул берүү көрсөтүлгөн жок ко деп тынчсызданышууда.
Кыргыз Улуттук драма театры Чыңгыз Айтматовдун --> http://rfe.azattyk.org/rubrics/culture/ky/2008/02/DA2934D6-3B89-4A5A-9495-E10AE6C24332.asp “Чыңгызхандын ак булуту” чыгармасы менен Түркиянын Кония шаарында 24-апрелге чейин өтө турган эл аралык театралдык фестивалга катышып жатат.
Ушул жумада Кожомкул атындагы спорт ордосунда куудул Жаныбек Алыкулов “Куудул олтуруш”долбоорун өткөрөт. Элдик оозеки чыгармачылыктагы куудулдук өнөрдү өнүктүрүү максатында “Чоңко” маданий борборунун демилгеси менен уюштурулуп аткан бул отурушка Күмөндөр Абылов, Келдибек Ниязов, Рахман Разыков баштаган куудулдар жана ырчы-чоорчулар катышат.
Ушул күндөрү Гапар Айтиев атындагы улуттук көркөм сүрөт музейинде түштүктөн келген сүрөтчүлөр Кожон Дарбанов менен Равшанбек Маматкуловдун “Чийген таш” аттуу көргөзмөсү өтүүдө.
Бүгүн Нарын жергесинде “Учур” телетеатрынын гастролу башталат. Артистер Ат-Башы районунун айылдарында, Нарын шаарынын айылдарында болушуп “Мар Байжиевдин “Тил табышкандар” өзбек драматургу Иброгим Содиковдун “Апендинин беш аялы” аттуу комедиясын тартуулашат.
Бул жумада кинорежиссер Эрнест Абдыжапаров жаш кинорежиссерлорго устаттык сабактарды өттү. Анын алкагында кинодраматургия жаатында, актерлук чеберчилик боюнча, кинорежиссура, монтаж иштери жана башка ушул сыяктуу маалыматтар берилди. Устаттык сабак бүгүн жыйынтыкталат. Ага катышкан улан-кыздар Эрнест Абдыжапаровдун көзөмөлү алдында тасма тартууга мүмкүнчүлүк алышат. Ал эми ал тасмлардын бет ачаар аземи ноябрь айында өтмөкчү.
Айгүл Жунушалиева, Бишкек 11-апрелде Бишкекте “Чийген таш” аттуу көргөзмө өттү. Анда сүрөтчү Кожон Дарбановдун эмгектери эл сынына коюлду. Ал тогуз жылдан бери Ош облусуна караштуу Өзгөн районундагы ар кыл жазуу-чиймелер чегерилген байыркы доордон бери сакталып калган таштар жайгашкан жерде жашайт. Кожон Дарбанов жана көргөзмөнүн уюштуруучусу айкелчи Равшан Маматкулов бул иш-чара тууралуу “Азаттыкка” маек куруп беришкен.
“Талант тагдыры” түрмөгүнүн жаңы саны кыргыздын профессионал ырчыларынын ичинен алгачкылардан Чайковский атындагы Москва консерваториясынын аваздык-вокалдык ырдоо классын бүтүргөн жогорку билимдүү опера ырчысы, Республиканын эл артисти Сейдакмат Токтоналиевдин туулган күнүнүн 80 жылдыгына жана жаркын элесине арналды.
Бүгүн Бишкекте Жолдошбай Абдыкалыков атындагы адабий сыйлыкты тапшыруу аземи болот. Улуттук китепкананын “Оту өчпөгөн талант ордосу” тарабынан уюштурулган сынакка 35 жашка чейинки акындар катышты. Анда өлкөнүн баардык аймактарынан чыгармалар кабыл алынып, тематикалык жактан чектөө коюлган жок. Уюштуруучулардын айтуусунда бул жолу өзгөчө элет жериндеги жаштарга көңүл бурулду.
Дагы жүктөңүз