Бишкекте укук коргоочулар жарандардын тынч жыйындарга чогулуу укуктарына бут тосууларды жана куугунтуктоону токтотууну талап кылып Өкмөт үйүнүн алдына каршылык акциясын өткөрүштү. “Кылым шамы” бейөкмөт уюмунун жетекчиси Азиза Абдурасулова, “Жарандар коррупцияга каршы” уюмунун жетекчиси Төлөйкан Исмаилова, “Демократия жана атуулдук коом үчүн” коалициясынын төрайымы Динара Ошурахунова жана башка укук коргоочулар укук коргоо органдарынын мыйзамдуу форматта иштешин, соттордун калыстыгын жана көз карандысыздыгын камсыз кылууну бийлик башчыларынан талап кылышты.
