Линктер

ЧУКУЛ КАБАР!
28-Сентябрь, 2021 шейшемби, Бишкек убактысы 07:16

Министр Ажыкеев курулуш компанияларын сындады


Бишкектеги курулуштардын бири. (Иллюстрациялык сүрөт).

Кыргызстандын Өзгөчө кырдаалдар министри (ӨКМ) Бообек Ажыкеев Бишкек шаарында көп кабаттуу үйлөрдүн курулушунда экологиялык талаптар сакталбай жатканын айтып, ишкерлерди кескин сындады.

Министр мындай пикирин өкмөт башчы Улукбек Марипов тийиштүү мамлекеттик органдардын катыщуусунда үй куруучулар менен бирге өткөргөн көчмө жыйында билдирди.

“Мен архитектор жана курулушчуларга суроо бергим келет. Биздин шаарды эмнеге айлантып салдыңар? Тротуар жок, жол куушурулган. Түтүн! Шаарда жашаган мүмкүн болбой калды. Жашыл аймактар такыр жок, имараттын кооздугу үчүн дарактарды кыйып жатасыңар. Шаар шамалдабай калды. Эгерде мыйзам бузуу болсо дароо токтотуш керек”, - деди министр.

Ажыкеев көп кабаттуу үйлөрдөгү курулуштардын сапаты начар экенин белгилеп, имарат курууда бирдиктүү архитектура киргизүүнү сунуштады.

19-мартта өкмөт башчы Улукбек Марипов Бишкек мэриясынын жетекчилери, «Бишкек башкы архитектура» ишканасы, мамлекеттик тийиштүү органдар жана курулуш компанияларынын өкүлдөрү менен кеңешме өткөргөн. Анда Бишкек шаарынын курулуш тармагындагы көйгөйлөр талкууланды. (TSh)

Пикирлерди көрүңүз (1)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.
Бул шерине жабылды, эми талкуу "Фейсбуктагы" барагыбызда (Azattyk.unalgysy) уланат.

XS
SM
MD
LG