25-июнда президент Садыр Жапаров "Кыргыз Республикасынын Улуттук коопсуздук мамлекеттик комитетинин (УКМК) Антикоррупциялык кызматын жоюу жөнүндө" жарлыкка кол койду.
Эми бул кызматтын милдети кайсы мамлекеттик органга жүктөлөрү айтыла элек.
Жапаров УКМКга караштуу Антикоррупциялык кызмат жоюларын шейшембиде ишкер чөйрөнүн өкүлдөрү менен жолукканда айткан. Ал муну бизнести колдоо үчүн жасалган иш деп белгилеген.
Мурдагы президент Сооронбай Жээнбеков кызматтан кетердин алдында, 14-октябрда УКМКнын Антикоррупциялык кызматын жойгон. Бирок былтыр октябрда президенттин милдетин аткарып жаткан Садыр Жапаров Сооронбай Жээнбековдун бул жарлыгын жокко чыгарган. (MiK)
Дагы караңыз
Facebook шеринеси