Линктер

ЧУКУЛ КАБАР!
11-Май, 2021 шейшемби, Бишкек убактысы 17:46

Франция: Ла-Манш кысыгынан мыйзамсыз өтүүгө аракеттенген мигранттар куткарылды


Ла-Манш кысыгы аркылуу желим кайык менен Улуу Британияга бет алган мигрант куткарылды. Кале шаары. Франция. 2018-жылдын 4-августу.

Ла-Манш кысыгы аркылуу Улуу Британияга өтүүнү көздөгөн төрт кайыкта 84 мигрант болгон (арасында жаш балдар да бар эле). Кайыктарды Франциянын деңиз аскер кызматкерлери кармашкан.

Маалыматка ылайык, 10-апрелде француз куткаруучуларына Гри-Нэ (Gris-Nez) тумшугунда бир нече кайык кырсыкка кабылганы тууралуу кабарланган.

Куткарылган мигранттарга медициналык жардам көрсөтүлгөн соң, алар полицияга өткөрүлүп берилген.


Азиядан, Жакынкы Чыгыш жана Африка мамлекеттеринен Францияга эптеп жетип алган мигранттар жакшы жашоо издеп, андан ары Улуу Британияга өтүү үчүн Ла-Манш кысыгын желим кайыктар менен уурданып кесип өтүүгө далаалат кылган учурлар арбын.

Былтыр Ла-Манш кысыгы аркылуу Улуу Британияга мыйзамсыз өтүү аракетин жасаган 10 миңге жакын учур катталган. Алты киши каза болуп, кеминде үч киши дайынсыз жоголгон.

Пикирлерди көрүңүз (1)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.
Бул шерине жабылды, эми талкуу "Фейсбуктагы" барагыбызда (Azattyk.unalgysy) уланат.

XS
SM
MD
LG