Маданият

ЧҮЙ ТЕАТРЫ БАШ ПААНЕК ИЗДЕП ЖҮРӨТ

Шаршен Термечиков атындагы Чүй облустук театрынын жамааты имараты жок ар кайсы жерде баш баанек кылып жүргөнүнө 4 жылдын жүзү болду. Алардын абалы тууралуу атаган театрдын башкы режиссеру Бектен Абдылаев менен маектештик.

АФИША: ЖАҢЫРГАН ЖУМАНЫН МАДАНИЙ ИШ-ЧАРАЛАРЫ

АПТАНЫН МАДАНИЙ ОКУЯЛАРЫ: “СЕНИН МҮМКҮНЧҮЛҮГҮҢ”

19-майда президент Курманбек Бакиев Улуттук илимдер Академиясынын (УИА) мүчө-корреспонденти, көркөм өнөр таануунун доктору, философия институтунун манастаануу жана көркөм маданият бөлүмүнүн башчысы Жаңыл Үмөталиеваны кабыл алды.

“ЧЫҢГЫЗХАНДЫН АК БУЛУТУ” ПЬЕСАСЫ ТҮРКИЯНЫ БАГЫНДЫРДЫ

“Чыңгыз Айтматов жана доор” аттуу түрмөктүн бүгүнкү мейманы Кыргыз Улуттук Токтоболот Абдумомунов атындагы Академиялык драма театрынын директору, Республиканын эл артисти Кыргызбай Осмонов. Таанымал актер театрдын босогосун аттаган күндөн залкар жазуучу Чыңгыз Айтматовдун сахналаштырылган оюндарындагы ар кандай мүнөздөгү каармандардын ролун аткарып, көрөрмандардын алкоолоруна арзып келүүдө. Жакында эле алп жазуучу Айтматовдун “Чыңгызхандын ак булуту” аттуу театрга коюлган оюнунан баш каарман Чыңгызхандын ролун аткарды. Кыргызбай Осмонов менен кабарчыбыз Балбай Алагушов маектешти.

“КЫРГЫЗДЫН РОЗА БАГЛАНОВАСЫ” - ГҮЛМАЙРАМ

“Талант тагдыры” түрмөгүнүн бул жолку чыгарылышы “Күлүк күнүндө, тулпар тушунда” дегендей өз кезегинде кыргыз эле эмес, чет өлкөлүк угуучулардын алкоолоруна арзыган “Кыргыздын Роза Баглановасы” деген атка конгон, Кыргыз Республикасынын эмгек сиңирген артисти Гүлмайрам Момушованын туулган күнүнүн 60 жылдыгына жана чыгармачылык тагдырына арналды.

ЕВРОВИДЕНИЕ: МУЗЫКАБЫ ЖЕ САЯСАТПЫ?

Аида Касымалиева, Прага 24-май ишемби күнү кечинде миллиондогон европалыктар Евровидениенин 53-сынагында өзүнүн эң сүйүктүү ырлары үчүн телефон чалып же смс аркылуу добуш беришет. Жарым кылымдык тарыхы бар ыр сынагына жакында Борбордук жана Чыгыш Европа --> http://azattyk.kg/rubrics/politics/ky/2008/05/F4F2F7D7-0849-417F-BBA4-E93286002320.asp , Кавказ өлкөлөрү да катыша башташты. Мындай экспансияга карабастан, Евровидениени көптөр дагы деле жеңил-желпи поп музыка жана саясат менен байланыштырышат.

ЗАМИРБЕК ҮСӨНБАЕВ КОНЦЕРТ БЕРЕТ

Бүгүн Улуттук филармонияда кыргыз эл артисти, Токтогул атындагы мамлекеттик сыйлыктын лауреаты Замирбек Үсөнбаев чыгармачылыгынын 40 жылдык мааракесин белгилейт.

АЗЫРКЫ ТУРМУШТУ ЧАГЫЛДЫРГАН “БЕЛГИСИЗ БАГЫТ” ТАСМАСЫ

Кинорежиссер Темир Бирназаровдун “Белгисиз багыт” кинотасмасы тартылып бүтүп, Бишкекте бетачары өткөнү турат. Темир Бирназаровдун “Белгисиз багыт” кинотасмасында – белгисиз бир тарапка кетип бараткан айылдык автобустун ар түрдүү жүргүнчүлөрүнүн өз ара сүйлөшүп кетип баратышы менен, Кыргызстанда учурда болуп жаткан ар кандай маселелер козголот.

“УЧУР” ТЕАТРЫ КЫЗЫКТУУ ОЮНДАРГА ЧАКЫРАТ

Бул жумада “Учур” телетеатрынын артистери Бишкектин тургундарына бир катар спекталдерди тартуулап, 7-театралдык сезонун жабат.

КӨРКӨМ СҮРӨТТӨРДҮН БААСЫ: ДҮЙНӨДӨ ЖАНА КЫРГЫЗСТАНДА

Каарманбек Кулуев, Бишкек Өткөн аптада Нью-Йорк аукционундагы эки сүрөт, атап айтканда ирландиялык сүрөтчү Френсис Бейкондун “Триптих 1976” деген сүрөтү жана Люсьен Фрейддин “Уктап жаткан Сьюзан Тилли” сүрөтү - экөө чогуу 120 миллион долларга сатылды. Учурда көркөм сүрөт өнөрү чоң бизнеске айланып, Ван Гог же Сезанндын сүрөттөрүнө ээ болуу - мунай чыккан жерге ээлик кылуудай эле пайдалуу болуп калганы талашсыз.

ОРУС АКЫНЫ РИММА КАЗАКОВА ДҮЙНӨ САЛДЫ

Муса Мураталиев, Москва Москва жазуучулар союзунун биринчи катчысы, белгилүү орус акыны Римма Казакова кечээ дүйнөдөн кайтты. Акындын «Чыгыш жеринде жолугабыз» деген биринчи китеби 1958-жылы жарык көргөн. Римма Казакова котормочулук өнөрүнө да көңүл бурган, анын кыйла ырларына обон чыгарылып, эл арасында ырдалып калган. Ал Севастополь шаарында, 1932-жылы 27-январда аскер кызматчынын үйбүлөсүндө туулган. Балалык чагы Беларусияда өткөн. Мектепти Ленинградда бүтүрүп, ошол эле шаарда Мамлекеттик университеттин тарых факультетин бүтүргөн.