Кыргызстандын Евразия Экономикалык Биримдигине (ЕАЭБ) кошулганына төрт жылдын жүзү болду. Өкмөт «бул мөөнөттө ички дүң өнүм өстү, салыктар көбөйдү, мигранттар которгон акча арбыды» деп ыраазы. Ошол эле учурда талдоочулар ЕАЭБге киргени өлкөнүн бажы төлөмү кемип, тышкы соодасы мүчөлүккө чейинки көлөмгө жетпей калганын айтып жатышат. Студиянын коноктору - экономика министринин орун басары Эльдар Алишеров жана экономика министринин мурдагы орун басары, эксперт Элдар Абакиров.
Экономика
Sorry! No content for 5 Сентябрь. See content from before
шаршемби 4 Сентябрь 2019
«Кыргызалтын» мамлекеттик ишканасынын башкармалыгынын төрагасы Алмаз Алимбеков "Азаттыктын" "Ыңгайсыз суроолор" телекөрсөтүүсүндө суроолорго жооп берип жатып, 2009-жылдагы "Центерра" менен болгон келишимдин шарттарын аткаруу үчүн 16 миң гектар жер тилкеси кайра кайтарылып берилгенин ырастаган. Анткени "Кумтөр" алтын кен долбоорун иликтеген Мамлекеттик комиссиянын корутундусунун негизинде Жогорку Кеңеш 2012-жылы 27-июнда кабыл алган токтомдо 2009-жылдагы келишимге ылайык, 2010-жылы 25-мартта "Кумтөргө" алтын казууга берген 16 миң гектар жер аянтын кайтарып алууну өкмөткө сунуштаган. Анда мамлекеттик коруктун аймагында деп каралган Коёнду, Кара-Сай жана Үч-Көл тилкелериндеги алтын казуу үчүн берилген лицензияларды кайра кайтаруу тапшырмасы дагы коюлган. Парламенттин мына ошол токтомуна Жогорку Кеңештин ошол кездеги төрагасы Асылбек Жээнбеков кол койгон. Ошонун негизинде өкмөт 2012-жылы 7-июлда аталган 16 гектардан ашуун жерди "Кумтөрдөн" кайтаруу боюнча токтом чыгарган. Ага ошол кездеги премьер-министр Өмүрбек Бабанов кол койгон. Өкмөт азыркы учурда бул документтер жокко чыгарылганын же жокко чыгара электигин ачык айта элек. Бирок 2009-жылдагы келишимдин шарттары гана аткарылып жатканын "Кыргызалтындын" жетекчиси белгилеген.
