“Азаттык” үналгысынын “Талант тагдыры” аттуу музыкалык түрмөгүнүн өткөн жолку чыгарылышында казак, кыргыз калктарына тең ырчы, композитор, домбырачы, акын, дирижер, Казакстандын эл артисти, Мамлекеттик сыйлыктын лауреаты Алтынбек Коразбаевдин чыгармачылыгынын баш аты менен тааныштырган элек. Бул жолку экинчи берүүбүздө Казакстандын президенти Нурсултан Назарбаевдин, кыргыздын дүйнөлүк ысымдагы залкар жазуучусу Чыңгыз Айтматовдун шайыр Алтынбек Коразбаевге берген баалары, казактын, кыргыздын, орустун ырлары менен кабарчыбыз Балбай Алагушов тааныштырат.
