Линктер

ЧУКУЛ КАБАР!
1-Август, 2021 жекшемби, Бишкек убактысы 18:47

Шайназаров: Мүчүлүштүктөр тууралуу маалыматтар бар, даттануулар түшө элек


Добуштарды автоматтык түрдө эсептөөчү үкөк. Бишкек шаары. 10-январь, 2021-жыл. Иллюстрациялык сүрөт.

Борбордук шайлоо комиссиясынын мүчөсү Тынчтыкбек Шайназаров айрым шайлоо участокторунда техникалык мүчүлүштүктөр болгону тууралуу маалыматтар бар экенин билдирди. Анын сөзүнө караганда, Бишкек шаарындагы №1217 жана №1221 шайлоо участокторунда добуштарды автоматтык түрдө эсептөөчү үкөк иштебей калганы тууралуу маалыматы бар.

"Маалыматтар бар. Бирок азырынча даттануулар түшө элек. Учурда бул мүчүлүштүктөр жоюлуп жатат", -деди Шайназаров.

1726 шайлоочу катталган Бишкектеги №1046 шайлоо участогунда добуш берүүчү үкөктүн добушту каттоочу механизми иштебей калганына кабарчыбыз күбө болгон.

Добуштарды автоматтаттык эсептөөчү үкөктөр иштебей, добуш берүүлөр кечигип башталганы тууралуу аймактардан маалыматтар арбын болууда.

Бүгүн, 10-январь күнү Кыргызстандын президентин кезексиз шайлоо жана мамлекеттик башкаруу формасын аныктоо боюнча референдум өтүп жатат.

Мамлекет башчылыкка 17 талапкер ат салышууда.

Ал эми шайлоочунун тандоосуна мамлекеттик башкаруу формасынын:
-президенттик;
-парламенттик;
-баарына каршы варианттары коюлган.

Октябрь окуясынан кийин Кыргызстанда бийлик мөөнөтүнөн мурда алмашып, кезексиз президенттик шайлоо жарыяланган.

Октябрь окуясынан кийинки бийлик алгач Конституцияны алмаштыруу ниетин билдирип, референдумга алып чыгууну көздөгөн. Коомчулуктун сын-пикиринен кийин Баш мыйзамдагы мамлекеттик башкаруу формасын өзгөртүү гана жалпы элдин тандоосуна коюлмак болуп, кыска убакытта бул тууралуу мыйзам жазылган.

Кыргызстандын мамлекеттик түзүлүшүн (башкаруунун формасын) аныктоо боюнча референдум өткөрүү жөнүндө мыйзам долбоору Жогорку Кеңештин кароосуна 9-декабрда киргизилип, 1-окууда кабыл алынган. 10-декабрда дароо экинчи жана үчүнчү окуудан өткөн. Президенттин милдетин аткаруучу Талант Мамытов мыйзамга 11-декабрда кол койгон.(ZKo)

Дагы караңыз

Пикирлерди көрүңүз (2)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.
Бул шерине жабылды, эми талкуу "Фейсбуктагы" барагыбызда (Azattyk.unalgysy) уланат.

XS
SM
MD
LG