Мурунку президент Аскар Акаев жана анын жакындарынын мүлкүн аныктоо боюнча өкмөттүк комиссия ишин улантууда. Комиссия Бишкектеги “Народный” дүкөндөрүн уюштуруучусу да Акаевдин жакындары экендигин, буга чейин бюджеттин 50 пайызы уурдалып, ар кандай фонд, уюмдарга которулуп кетип жаткандыгын аныктап чыкканын жарыялады.
8-9-майда президенттин милдетин аткаруучу Курманбек Бакиев Москвада болуп, Улуу жеңиштин 60 жылдыгын белгилөөгө катышты. Андан сырткары Бакиев Орусия президенти Владимир Путин менен жолугушууда Бишкектин Москвага карызын чечүү маселесин да козгоду
Өлкөнүн Башкы прокуратурасы Канаданын “Кумтөр корпорейшин” корпорациясы менен кыргыз өкмөтүнүн ортосунда “Центерра голд компани” фирмасын түзүү келишими боюнча кылмыш ишин козгоду. Башкы прокуратура келишим кыргыз мамлекетинин кызыкчылыгын көздөгөн эмес деп эсептөөдө.
3-майда Бишкекте Кыргызстан, Казакстан, Өзбекстан жана Тажикстандын суу-энергетика боюнча адистери чогулушат. Алар региондун суу-энергетикалык ресурстарын натыйжалуу пайдалануу боюнча орток келишимге жетишүүгө аракет жасашат.
30-апрелде президенттин милдетин аткаруучу Курманбек Бакиев Кыргызстан калкына алгачкы кайрылуусу менен чыкты. Анда ал 24-марттагы ыңкылаптан кийин бийликке келген өкмөттүн программалык кадамдары тууралуу маалымат берди. Убактылуу өкмөттүн алгачкы кадамдарын сынга алган саясатчылар да арбын.
28-апрелдин кечинде Жогорку Кеңештин депутаты Баяман Эркинбаевдин өмүрүнө кол салуу болду. Атылган ок мурдуна тийип, депутат андан катуу жабырланган эмес. Эркинбаев бул ок атууну саясатка байланыштырууда, бирок бул окуяны пиар акция катары карагандар да жок эмес.
25-апрелде Жогорку Кеңеш Конституциялык кеңешмени түзүү тууралуу токтом кабыл алды. Ага ылайык кеңештин курамында 114 мүчө болот. Анын 57си бийлик тараптан, ал эми калган жарымы атуулдук коомдун өкүлдөрү болмокчу. Кеңешме алгачкы жыйынга 27-апрелде чогулмакчы.
22-апрелде президенттин милдетин аткаруучу Курманбек Бакиев Казакстанга иш сапар менен барып келди. Ал эми тышкы иштер министринин милдетин аткаруучу Роза Отунбаеванын Ташкенге үч күндүк сапары 23-апрелде соңуна чыкты. 24-марттагы ыңкылаптан кийин убактылуу өкмөт коңшу мамлекеттер менен алакасын чыңдоодо. Антсе да Астана, Ташкен менен Бишкектин ортосунда чечилбей келаткан маселелери арбын.
Кыргызстандын жаңы бийлиги чет өлкөлөр жана эл аралык уюмдар менен мурда жетишилген макулдашуулар аткарылаарын билдирген. Тышкы иштер министринин милдетин аткаруучу Роза Отунбаева жакында эле Москвага барып келип, эми 21-апрелде Ташкентке жумуш сапар менен жөнөп кетти. Өзбекстандын гуманитардык жардамы, Кыргызстандын тышкы иштер министринин Ташкентке сапары эки мамлекеттин ортосундагы мамилени жандантабы деген суроону пайда кылууда.
20-апрелде Токтогул Сатылганов атындагы филармонияда Кыргызстандагы өкмөттүк эмес уюмдардын жалпы улуттук форуму өттү. Анда резолюция кабыл алынып, авторитаризмди жоюу үчүн тез арада Конституциялык кеңешмени түзүү, президенттик шайлоонун акыйкат жана таза өткөрүлүшү үчүн Жогорку Соттун төрагасы Курманбек Осмоновду кызматтан кетирүү, Борбордук шайлоо комиссиясын жаңылоо боюнча сунуш-талаптар айтылды. Форумга катышкан өкмөт башчысы, президенттин милдетин аткаруучу Курманбек Бакиев Конституцияны реформалоо быгытында сунуштарды күтүп жатканын билдирди.
Россия кыргызстандык белдүү саясатчыларды Москвага чакырып, алар менен жакындан таанышууда. 24-марттагы ыңкылапка чейин орус борборунда Курманбек Бакиев, Роза Отунбаева болуп келген. Жакында Социал-демократиялык партиянын лидери, президенттикке талапкерлердин бири Алмазбек Атамбаев Москвада сүйлөшүүлөрдү жүргүзүп келди. Анын айтымында, президенттик шайлоого Атамбаев - Кулов чогуу чыгышмакчы.
Парламенттик шайлоого байланышкан толкундоолор президенттик шайлоодо ого бетер күчөйт деген бушаймандык бар. Ошондуктан президенттикке талапкерлер ортосунда элди көчөгө алып чыкпайбыз деген максатта жигиттик макулдашууга кол коюлуш керек деген сунуштар айтылууда.
24-марттагы элдик ыңкылаптан кийин коргоо министринин милдетин генерал майор Исмаил Исаков аткарып келатат. Исмаил Исаков кабарчыбыз Айданбек Акмат уулунун министрликтеги абал, чечилбей жаткан маселелер, эл аралык кызматташуу жана башка суроолоруна жооп берген.
Убактылуу өкмөт өз ишинин башкы максаты катары коррупцияга каршы күрөштү атады. Өкмөт мүчөлөрүнүн билдирүүсүнө караганда, анын натыйжасында бюджеттин киреше бөлүгү быйылкы жылы 5 миллиард сомго көбөйтүлөт.
11-апрелде Жогорку Кеңеш президент Аскар Акаевдин берген арызына жараша президенттик ыйгарым укуктарын токтотуу тууралуу токтом кабыл алды. Ушул эле күнү парламент 2005-жылдын жылдын 10-июлунда мөөнөтүнөн мурда президенттик шайлоо өткөрүүнү белгилеп, Борбордук шайлоо комиссиясынын төрагасын бекитти.
Кыргызстанда Жогорку Кеңештин депутаттарын шайлоодон чыккан соттук териштирүүлөр, нааразылык акциялары уланууда. 9-апрелде Жогорку Сот талапкерлер Кабай Карабеков, Мелис Эшиканов жана Жусуп Иманалиевдин арызын карады.
Кыргызстанда 24-мартта ыңкылап болуп өттү. Мурунку бийлик башчысы Аскар Акаев аны улуттук катастрофа деп атаса, эл ичинде чыныгы элдик ыңкылап деп атагандар арбын. Марттагы окуядан Кыргызстан эмне жоготуп, эмне тапты?
6-апрелде Жогорку Кеңеш Аскар Акаевдин кызматтан кетүү жөнүндөгү арызын кароону 7-апрелге которду. Бул боюнча парламент токтом кабыл алып, бейшемби күнкү жыйынга өкмөттү, сот бийлигин жана элчилерди чакырууну, талкууну телерадио аркылуу түз көрсөтүүнү чечти.
24-мартта Кыргызстанда бийлик алмашты. Оппозиция өкүлдөрү аны элдик ыңкылап десе, кызматтан кеткен бийлик өкүлдөрү төңкөрүш катары баалашууда. Кандай болгон күндө да Кыргызстан үчүн тагдыр чечүүчү бул окуяда кайсы саясий күчтөр негизги ролду ойноду?
31-мартта Кыргызстанга Украина менен Грузиянын тышкы иштер министрлери Борис Тарасюк менен Саломе Зурабишвили келди. Алар Бишкекте президенттин милдетин аткаруучу, өкмөт башчы Курманбек Бакиев, тышкы иштер министри Роза Отунбаева жана парламент төрагасы Өмүрбек Текебаев менен сүйлөшүүлөрдү жүргүзүп, Кыргызстанга жардам берүүгө даяр экендиктерин айтышты.
Дагы жүктөңүз
