"Азаттыктын" спорттук баяндамачысы. Кыргыз улуттук университетинин журналистика бөлүмүн бүткөн. Кыргызстандын дене тарбия жана спорт энциклопедиясынын жана төрт китептин автору.
18-октябрдагы өлкөнүн маалымат каражаттарында негизги тема Конституциялык кеңешмедеги талкуу, сунуш-пикирлер, өкмөттүн кеңейтилген кеңешмесиндеги президенттин сөзү жана парламентте каралган маселелер тууралуу болду.
Кыргызстандын футбол боюнча 14-чемпионатынын Жогорку Лигасында таймашкан командалардын мыктылары аныкталып, 2-ноябрда жаңы чемпиондун аты аталат. Кыргызстандын былтыркы жеңүүчүсү Нарындын “Дордой- Динамо” командасы чемпиондугун сактап калабы, же дүбүртү каттуу чыгып келаткан Бишкектин «Шоро-СКА» командасына алдырып жибереби?
11-октябрдагы өлкөнүн маалымат каражаттарында негизги тема Cанкт-Петербургдагы саммит, турак үй куруу үчүн жер алуучулардын көйгөйлөрүнүн күнгөй-тескейи, парламентте каралган маселелер тууралуу болду.
6-октябрда Бириккен Араб Эмираттарынын Дубай шаарында өткрүлгн оор атлетика боюнча Азия чемпионатына кыргыз жигити алтын медалды жеңип, чемпиондук наамды алып келди.
4-октябрдагы өлкөнүн маалымат каражаттарында негизги тема президенттин кадр саясатынын күнгөй-тескейи, парламенттин сынынан өтпөй калган ыңкылапчылар, өлкөдөгү коррупция жана өкмөттүн курамы тууралуу болду.
25-сентябрда Бишкекте Евразиялык изилдөө институту менен бейөкмөт уюмдар ассоциациясы өлкөнүн Конституциясына өзгөртүүлөрдү киргизүү, жаңылоо максатында жыйын өткөрдү. Ага түрдүү көз караштагы саясатчылар, саясый партиялардын, бейөкмөт уюмдардын, жергиликтүү бийликтин өкүлдөрү катышып, ой-пикирлерин билдиришти.
Эки жылда бир ирет өтүп туруучу Улуттук оюндардын спартакиадасы Талас облусунун уюшулгандыгына 60 жана Манас ордо комплексинин түзүлгөндүгүнүн 10 жылдыгына арналып быйыл Таласта өтүп жатат. Улуттук оюндар боюнча мөөрөй талашууларга Алатоонун 7 облусунун жана Бишкек шаарынын командалары катышууда.
21-сентябрда, саат түнкү 10 дун тегерегинде Бишкекте өз үйүнүн жанынан Жогорку Кеңештин депутаты, Улуттук олимпиада комитетинин президенти, дзю-до жана күрөш боюнча спорт чебери Баяман Эркинбаевди белгисиз бирөөлөр атып кетишти. Достору, туугандары, замандаштары Баяман Эркинбаевдин эскерип, анын ишмердүүлүгү тууралуу түрдүү пикирлерди айтышууда.
20-сентябрдагы өлкөнүн маалымат каражаттарында негизги тема Каракече көмүр кениндеги талаш-тартыштар, кайрадан жер берүүнү талап кылып толкугандар, өкмөттүн курамы тууралуу талкуу сыяктуу маселелер болду.
Мындан жарым кылым илгери, 1953- жылдын 18- мартында айтылуу Азамат Алтай (Кудайберген Кожомбердиев) диктатор Иосиф Сталиндин өлүмү тууралуу серепти кыргыз тилинде маалымдап, «Азаттык» үналгысынын кыргыз редакциясынын тушоосу кесилген. Жакында «Азаттык» үналгысын негиздеген Азамат Алтай агайбыз 85 жашка толду.
Парламентте өкмөттүн структурасы кызуу талкууланып, түрдүү пикир, сунуштар айтылууда. Айрым депутаттар спорт тармагын өзүнчө министрлик же комитет катары калтырууну жактап жатышат. Өкмөттүн сунуш кылган бир вариантында спортту билим берүү министрлигинин курамына кошуу демилгеси да бар.
13-сентябрдагы өлкөнүн маалымат каражаттарында негизги тема президенттик администрациянын мурдакы жетекчиси Медет Садыркулов менен Улуттук банктын төрагасы Улан Сарбановдун Баш прокуратурага сурак бериши, өкмөттүн курамы тууралуу талкуу маселелери болду.
Сентябрь айы-футболдук таймашуулардын чордону болууда. Себеби, Европа жана Азияда 2006- жылы Германияда өтчү дүйнө чемпионатына талапкерлерди тандоо оюндары өткөрүлдү. Ошондой эле Кыргызстандын футбол чемпионатынын үчүнчү чечүүчү айлампасы башталды. Нигериянын “Framax” командасы Кыргыз жергесинде бир нече беттешүүлөрдү өткөрдү.
Коомчулукта учурдагы бийлик аскер жана милициянын мурдакы жетекчилерин, генералдарды оппозиция болууга аргасыз кылууда деген пикирлер айтыла баштады. Себеби, жаңы бийлик иштен бошоткон генералдардын саны жыйырмага жакын. Айрым генералдар саясый партияларды түзүп, өзүнө тилектештердин санын көбөйтүүдө. Жумуштан бошогон генералдар бийликке оппозиция боло алабы?
6-сентябрдагы өлкөнүн маалымат каражаттарында негизги тема Айдар Акаевдин депутаттык колтийбестиги, өкмөттүн курамы, парламенттин күзгү сессиясындагы маселелер болду.
Футбол боюнча өлкөнүн эгемендүүлүк кубогунун финалдык беттешүүсү ар жыл сайын 31-августта өткөрүлүп келген. Бул жолу борбордук “Спартак” стадионунда майрамдык зоок уюштурулганынан улам, оюн 1-сентябрга жылдырылып калды. Ошентип 1-сентябрь күнү кечинде футбол боюнча эгемендүүлүк кубогунун жеңүүчүлөрү аныкталды.
1-сентябрда өлкөнүн дээрлик бардык мектептеринде билимге чакырган коңгуроо кагылды. Билим күнү мектептерде алгачкы сабактар Атамекенге жана тынчтыкка арналды. Өлкө жетекчилери айрым мектептерде болуп, Мекен, тынчтык сабактарына катышты.
31-августта Бишкектеги «Аккула» атмайданында Кыргызстандын эгемендүүлүк күнүнө карата өлкөнүн президентинин көкбөрү боюнча кубогунун баш байгеси үчүн таймашуулар жана ат оюндары өткөрүлдү. Ошондой эле бул күнү салт боюнча футболдон эгемендүүлүк кубогунун жеңүүчүлөрү аныкталмак, бирок белгисиз себептерге байланыштуу финалдык беттешүү 1-сентябрга жылдырылып калды.
Мындан он жыл мурда, “Манас” эпосунун 1000 жылдык мааракесине карата Ашхабаддан Таласка чейин Супер марафондук ат чабыш өткөрүлүп, Кыргызстандын күлүктөрүн дүйнө коомчулугу байкап турушкан. Мындай алыс аралыкка ат чабыш дүйнө жүзүндө мурда болгон эмес, дешет адистер. Бул демилгени белгилүү кинорежиссер Болот Шамшиев көтөрүп чыгып, ишке ашырган. Андан кийин дагы Ысыккөлдү айлантып ат чабыш уюштурууну көздөгөн. Бирок демилге кийин колдоого алынбай калган.
26-августта Бишкектеги «Аккула» ат майданында Кыргызстандын эгемендүүлүк күнүнө карата өлкө президентинин көкбөрү боюнча кубогуна арналган мөөрөй талашуулар башталды.
Дагы жүктөңүз
