"Азаттыктын" спорттук баяндамачысы. Кыргыз улуттук университетинин журналистика бөлүмүн бүткөн. Кыргызстандын дене тарбия жана спорт энциклопедиясынын жана төрт китептин автору.
25-26-апрелде Бишкекте кикбоксинг боюнча эларалык мелдеш өттү. Анда кыргызстандык Канатбек Сыдыгалиев менен Руслан Абасов Интерконтиненталдык чемпиондук наамды жеңип алышты.
Көп жылдар боюу жашыруун сакталып, муундан муунга өтүп келген каратэ, кунфу- чыгыш өнөрүнүн кыргызга таандык “сурке” түрү жакындан бери ачыкка чыга баштады.
Шаршембидеги “Аргументы и факты Кыргызстан” басылмаcы Чолпонатадагы Шериктеш өлкөлөрдүн премьер – министрлеринин саммити жөнүндө баяндады. «Общественный рейтинг» жумалыгы өлкөдөгү интернет бизнесинин келечеги жана көйгөйлөрү жөнүндө жазды.
2006–жылы Германияда өтчү футбол боюнча дүйнө чемпионатына талапкерлерди иргеп алуу мелдештери былтыркы күздөн бери жүрүүдө. Биринчи баскычта алатоолуктар Пакистандын футболчуларын 6:0 эсебинде уткан. Экинчи баскычтын биринчи оюнунда кыргыз курамасы өз жеринде Тажикстандын командасына 2:1 эсебинде утулган эле. Эми бүгүн (31-мартта) Кыргызстандын командасы Сирия өлкөсүнүн футболчулары менен беттешти. Оюн тең чыгуу менен аяктады.
Кыргызстан темирдин эч кайсы түрүн өндүрбөгөн өлкө. Анткен менен Торугарт жолу аркылуу күн сайын алюминий, кара жана түстүү металлдар жүктөлгөн ондогон машиналар өтүп жатат. «Темир чогултабыз» деп, ороолорду казып, зыянга учурагандар да болгон. Ал түгүл электр өткөргүчтөрүн, газ куурларын, жада калса көчөлөрдөгү суу, жылуулук түйүндөрүнүн чоюн капкактарына чейин уурдап кетишүүдө. Өлкөдөгү темир бизнесинин күнгөй- тескейлери тууралуу кабарчыбыз Кабыл Макеш кененирээк баяндап бермекчи.
13-14-мартта Ташкенде грек-рим күрөшү боюнча Афина олимпиадасына талапкерлерди иргеп, жолдомо берүүчү эл аралык мелдеши өткөрүлөт. Мында 7 салмак категориясына жараша жеңүүчүлөргө жана арбын упай топтогондорго төрттөн жолдомо ыйгарылат. Бул олимпиадага жол ачкан таймашка кыргызстандык балбандар да катышууда.
Бүгүн окурмандар “Вечерний Бишкек”, “Дело №”, «Московский Комсомолец - Кыргызстан» жана “Аргументы и факты Кыргызстан” басылмалары менен таанышты. Бул жолу басылмалар кыз-келиндердин майрамдык салтанаттары, электр тармагындагы кризис, туризмдин көйгөйлөрү жана орус тилине арналган Эл аралык Конгресс тууралуу жазышты.
Өткөн апта соңундагы кыргыз басылмаларында кыз- келиндерге, апаларга жаз майрамы менен куттук айткан каалоо-тилектер арбын болду. Журналистиканын оор жүгүн, түйшүгүн да кыз-келин калемдештер көтөрүп келатат. Басма сөз майданында эмгектенип жүргөн айымдарга кесиптештеринин айтаар каалоо-тилектери да бар.
Кыргыздардын кыз- келиндерине, аялзатына арналган элдик оюндары арбын. Жоолук таштамайдан баштап, шабиет, топ таш, упай, кан таламай, чачма топ, катра деги толгон оюндары кыз-келиндердин дене тарбиясына, келбетинин сулуулугуна ɵбɵлгɵ болуп келген. Кыргыздын кыздары аттын кулагы менен тең ойноп, кыз куумай, оодарыш, эңиш, тыйын эңмей сыяктуу ат оюндарында жигиттердин намысын козгоп, мɵрɵй алып да турган. Замандын шарапаты менен Кыргызстандык 3 спортчу кыз-келин олимпиадалык бийиктикти багындырып, алтын медаль тагынган. Эгемендүү болгону кыргызстандык спортчу кыз-келиндер ɵлкɵнү эл аралык аренада таанытып келет.
Дүйнөнүн бардык өлкөлөрү 2004-жылы Афинада өтчү жайкы олимпиадалык оюндарга кызуу даярдык көрүшүп, спортчуларын дүйнө чемпионаттарына, кубокторуна жана гран-при мелдештерине жиберип олимпиадага жолдомо жеңип алышууда. Өзбекстандык спортчулардын 37 жолдомосу бар. Ал эми Казакстандыктардын жүздөн ашуун спортчулары Афина олимпиадасына баруу укугуна ээ. Азырынча Кыргызстандык 12 спортчу гана олимпиадага жолдомо алышты. Дагы жолдомо алууга мүмкүнчүлүктөрү барбы?
Шаршембиде окурмандар “Вечерний Бишкек”,”Адабий гезит”, «Московский комсомолец-Кыргызстан» жана “Аргументы и факты-Кыргызстан” басылмалары менен таанышты. Бул жолу гезиттер Орусия-Кыргызстан кызматташтыгы, жазуучулар союзунун иш- аракеттери, 8-март майрамы жана орус тилине арналган эларалык конгресс тууралуу жазышты.
1-марттан 31–мартка чейин Кыргызстанда чет өлкөлүк мергенчилер үчүн жазгы аң уулоого уруксат берилди. Бир ай бою мамлекеттик токой кызматы уруксаты менен чет элдик аңчылар тоо теке, кулжа, каман баштаган жапайы жаныбарларды атууга мүмкүнчүлүк алышты.
1-марттагы “Вечерний Бишкек” басылмасы АКШга иш сапары менен барган өлкөнүн тышкы иштер министри Аскар Айтматовдун жолугушуулары тууралуу макаланы жарыялады. Өлкөдөгү уран калдыктарын иликтөөгө алган Асел Оторбаеванын журналисттик иликтөөсүнө жана скрипка чапкан кыргыз устасы жөнүндө макалага да орун берилди. 1-марттагы “Дил ордосу” басылмасы болсо Орусиядагыдай болуп Кыргызстанда да премьер-министрдин отставкасы жакындаганын божомолдойт.
Афина олимпиадасына эркин күрөш боюнча мыктыларды иргеп алып, жолдомо берүүчү эларалык мелдештер Болгария жана Словакияда аяктап, кыргызстандык балбандардан олимпиадалык таймашка катышууга эки спортчу укук алышты.
Айрым иликтөөлөргө караганда, Кыргызстанда элдин колунда совет доорунан калган көп курал бар. Айрым маалыматтарга караганда, кийинки 8 жылда элдин колунда мыйзамсыз жүргөн 5 миңдей курал тартылып алынган. Бирок, өлкөдө канча адамда, канча курал- жарак бар экенин эч ким так билбейт. "Курал саткан дүкөндөрдө алардын наркы канча турат? Карапайым калктын курал сатып алууга чама-чаркы жетеби жана алар куралдарды этияттык менен колдонушабы?" деген суроолор азыр күн тартибинде.
Ар жыл сайын ийгиликтерине жараша 10 мыкты спортчуну, 5 мыкты машыктыруучуну жана 3 журналистти аныктоо салтка айланып калган. Өлкөнүн өткөн жылдын мыктыларына урмат-сый көрсөтүү салтанаты 25-февралда баш калаадагы Кожомкул атындагы спорт ордосунда өттү.
Дүйнө жүзүндө карышкырдын бир нече түрү Кызыл китепке кирип, коргоого алынса, Кыргызстанда алар малды кырып, зыян келтирип жаткандыктан азыр аларды жоготуу маселеси башкы көңүл бурулууда. Өлкөдөгү 5 миңге жакын карышкыр менен чөөнү жоготуу үчүн өкмөт былтыр 1 миллион сом бөлгөн. Быйыл дагы ушундай сумма өкмөттүн резервдик фондунан мамлекеттик токой чарбасы кызматы менен мергенчилерге бөлүндү.
Шаршембиде кыргызстандык окурмандар “Вечерний Бишкек”, ”Адабий гезит”, “«Московский Комсомолец» в Кыргызстане” жана “Аргументы и факты” в Кыргызстане” басылмалары менен тааныша алышты.Бул жолу басылмалар “Мамлекеттик тил жөнүндө” мыйзамдын айланасындагы кызуу талаш- тартыш, кайчы пикирлерге басым жасашты. «Аргументы и факты» в Кыргызстане» гезити Орусия Шериктеш өлкөлөрдөгү аласаларын кайтарып алууга бел байлаганын билдирди.
Дүйнө жүзүндө жылкынын 150дөн ашык түрү бар. Алардан англиялык жана араб асыл тукум жылкылары жогору бааланат. Кыргызстанда мурда асыл тукум жылкынын 4 түрүн өстүрүүгө өзгөчө көңүл бөлүнүп келген. Кийин кыргыз жергесиндеги асыл тукум жылкы чарбалары жоюлуп, жеке ишкерлердин демилгеси менен гана жылкынын асылдуулугун сактоо аракети жасалууда. Кыргызстандын “Глазур” аттуу күлүгү Москвада өткөн олимпиадалык оюндарда Александр Блиновду олимпиадалык алтын байгеге жеткирген. Анткен менен жылкы чарбачылыгын өнүктүрүүдө көкөй кести көп маселелер бар.
Ар жыл сайын олимпиадалык бал салтанатын өткөрүү салтка айланган. Өткөн жумада Алматыда Казакстандын олимпиада комитети ушундай салтанат өткөрдү. 15- февраль, жекшемби күнү Бишкекте олимпиадалык кече өтмөкчү, азыр ага даярдык көрүлүп жатат.
Дагы жүктөңүз
