Линктер

ЧУКУЛ КАБАР!
шейшемби, 21-январь, 2020 Бишкек убактысы 12:30

Экономика

Тамчы айлындагы Ысыккөл аэропортун эл аралык деңгээлге көтөрүү боюнча кыргыз өкмөтү Москва шаарынын жетекчилиги менен сүйлөшүүлөрдү жүргүзүп жатат. Кечээ кечинде аталган аэропортко барып таанышкан Москва шаарынын мэри Юрий Лужков аэропортту кеңейтүүгө үлкөн суммадагы каражат кетерин айтып, бирок сарпталган акчаны кайтарып алуу узак мөөнөткө созуларын белгиледи.

Сүрөттө : Москва шаарынын мэри Юрий Лужков Кыргызстанга болгон иш сапарынын жүрүшүндө “Данакер” ордени менен сыйланды.

АН-24 самолету менен Ысыккөл аэропортуна келип конгон Москва шаарынын мэри Юрий Лужков Ысыккөлдө биринчи жолу болуп жаткандыгын белгилеп, кыргыз жеринин кооздугуна суктануусун билдирип кетти. Ал эми Ысыккөл аэропортун эл аралык деңгээлге көтөрүү тууралуу маселе оңой эле чечиле койбосун, бул көп каражатты талап кыларын белгиледи:

-Биздин негизги ишибиз—жердин кооздугуна суктанбай, облустун жетекчиси, өкмөт башчысы жана биздин адистер менен чогуу аэропорттун курулушу жана ага салынуучу акчанын кайтарылышы тууралуу талкулоо. Анткени бул аэропортту кеңейтип, аны эл аралык деңгээлге көтөрүү үчүн жумшалуучу каражат аз акча эмес. Ага сарпталуучу 53 млн доллар акчаны кайра 4-5 жылдын ичинде инвесторлорго кайтаруубуз керек. Башка кошумча ресурстарды эске албаганда, аэропорттун өзү бул каражатты 20 жылга чейин актап берет деп айтууга кыйын. Биз мына ушул маселе тууралуу сүйлөшүүбүз керек.

Москва шаарынын мэри сүйлөшүүлөр ал Кыргызстандан кеткенге чейин аягына чыгуусу мүмкүн экендигин кошумчалады.

Кыргыз өкмөтү Москва шаарынын жетекчилигине аэропортко кошумча эс алуу жайын куруу үчүн Ысыккөлдүн жээгинен 400 гектар жерди узак мөөнөткө ижарага сунуштап жатат. Ысыккөл облусунун губернатору Эсенгул Өмүралиевдин берген маалыматы боюнча сунуш жарым жыл мурун берилген.

Москва шаарынын эл аралык байланыштар департаментинин жетекчисинин орун басары Борис Силаев Лужковдун Кыргызстанга иш сапары эки тараптуу сүйлөшүүлөрдүн башы гана деп билдирди:

-Биз бардыгын көрүп чыккандан кийин андан алынган таасирлер боюнча баарын эсептеп чыгабыз. Бул жагдайда тиешелүү кишилерге тапшырмалар берилет. Андан кийин гана чечим кабыл алынат,-
-деди Борис Силаев.

Москва шаарынан келген делегация бүгүн кайра Бишкекке, ал жактан Орусияга жөнөп кетет.

Тамчы айлында жайгашкан Ысыккөл аэропортунун ишке киргенине үч жыл болду. Азырынча бул аба майданына Ош, Ташкент, Алматы шаарларынан учуп келген ЯК-40, АН-24 сыяктуу чакан учактар коно алышат.

Кыргызстандын экономика жана каржы министри Акылбек Жапаров өкмөт баштагы позициясынан тайып “Кыргызтелекомду” сатпай турганын маалымдады. Кирешелүү компаниянын акцияларын сатып алууга даяр инвестор табылып, менчиктештирүү программасы парламентте бекитилгенден кийинки өкмөттүн таңкалыштуу кадамы кандайча чыгып калды?

Акылбек Жапаров 20-июндагы маалымат жыйынында Кытайдын ZTE корпорациясы Кыргызстандын ири байланыш «Кыргызтелеком» компаниясынын акцияларын сатып алууга кызыкдар экенин маалымдады. «Кыргызтелекомдун» акциялары мындан эки жыл илгери швециялык “Swidtel” компаниясына сатыла турган болуп бирок да ал сөз жүзүндө гана калган. Быйыл өкмөт «Кыргызтелекомду» дагы сатыкка коюп, аны биротоло өз алдынчалыкка чыгарууну көздөгөн.

Жакында Кыргызстандагы байланыш системасын жакшыртуу, аналог телефон байланышынан сандык телефон байланышына өтүүгө кыргыз өкмөтү Кытайдын өнүгүү банкынан 10 миллион доллар акча ала турган болуп, тийиштүү келишимге кол коюлганын А.Жапаров ачыкка чыгарды.

- «Кыргызтелеком» боюнча. Президент К.Бакиев өкмөт мүчөлөрү катышкан жыйында парламент спикеринин пикирин колдой тургандыгын билдирди. Телеком менчиктештирүү программасына киргенине карабастан, сатылбайт. Эми анын ишин жакшыртуу, мүмкүнчүлүк болсо жабдууларын жаңыртуу аракети көрүлөт. Азырынча анын JSM боюнча бир лицензиясы бар.

А.Жапаров айыл жерлериндеги байланышты жакшыртуунун жолдору иликтенип жатканын кабарлады. Жаңыртылып, жакшыртылгандан кийин гана «Кыргызтелеком» сатыкка коюлушу ыктымал. Министрдин ырасташынча, азырынча «Кыргызтелекомдун» сатылышы тууралуу так айтыш кыйын.

Анткен менен иши дурус жүрүп жаткан мамлекеттик ишканаларды жеке колго өткөрүү аракеттери көрүлүп келатканы деле жашыруун эмес. Парламент депутаты Акматбек Келдибеков байланыш тармагы жеке колдо болгону эле жакшы деген пикирде.

- Бүт дүйнө жүзүндө телеком бул менчик. Ошонун негизинде бүгүнкү күндө адамдар телефон кое албай, кезекке туруп, өнүгүү бул жерде болбой жатат. Себеп дегенде, биз муну кармап отура берип телекоммуникациянын өсүшүнөн артта калып жатабыз. Көрүп атасыз бул тармак кандай өсүп жатат. Муну сатыш керек.

Парламент мүчөсү Авасбек Момункулов негизи мамлекеттик ишканалардын арзанбаада сатылышы, алардын кайра сот аркылуу кайтарылып алынышы дагы кыйлага созулчу процесс деп эсептейт. «Кыргызтелекомдун» сатууга коюлуп, кайра алынып атышы деле өлкө азырынча мыйзам эмес, түшүнүктөр менен жашап жатканын көрсөтөт.

Дагы жүктөңүз

XS
SM
MD
LG