"Азаттыктын" Прагадагы кеңсесинин кызматкери. Кыргыз улуттук университетинин чет тилдер факультетин аяктаган.
Президент Жорж Буштун ырастоосунда Саддам Хусейн массалык кыргын салуучу курал программасынан баш тартпагандыгы үчүн АКШ Иракка каршы согуш баштаган. Эски режим кулатылгандан бери 13 ай өтсө да ошондой куралдын ири запастары табыла элек. Кечээ болсо АКШнын аскерий командачылыгы козголоңчулар пайдаланган бомбалар зарин деген уулу газ менен дүрмөттөлгөн деп билдиришти.
Бүгүн (17-майда) эртең менен Багдадда болгон жардыруудан Ирактын Башкаруу Кеңешинин төрагасы Абдул Захра Отман Мохаммад каза тапты. Отман отурган автомашина коалициянын кеңсесине кирүү үчүн кезек күтүп турган жеринен жарылган. Кечээ болсо Насирия шаарында радикал шиийлердин лидери Муктада Садрдын согушчандары менен АКШ баштаган коалиция күчтөрүнүн ортосунда кагылышуу болду. Кошмо Штаттарынын өзүндө "Абу Грейб" түрмөсүндөгү укук бузууларга байланыштуу коргоо министри Доналд Рамсфелдди сындаган апаздар көбөйүүдө.
Ирактын абактарында отургандардын 90 пайызынан ашууну жаңылыш жерден кармалгандар. Мындай тыянакка эл аралык Кызыл Чырым уюму келди. Уюмдун жаңы докладында Ирактын түрмөлөрүндөгү укук бузуулар жөнүндө АКШ жетекчилигине буга чейин бир нече ирет маалымдалганы белгиленет.
Бүгүн эртең менен Чеченстандын баш калаасы Грозныйда 9-майга арналган майрамдык салтанат өтүп жаткан стадиондо жардыруу болду. Кол салуудан жумурияттын жетекчиси Ахмад Кадыров набыт болду. Түндүк Кавказдагы аскерлердин командачысы, генерал Валерий Баранов оор жаракат алды.
Афинада жайкы Олимпиаданы утурлай коомдук тартипти сактоо чаралары күчөтүлүүдө. Китепканада жашаган студент. МакДоналдстын кирешеси өсүүдө. Тамак бышыруу - абактагылар үчүн жаңы терапия боло алабы?
Шаршембиде Ирандын тышкы иштер министри Камаль Харрази Европа турнесинин алкагында Брюсселде болду. Министрдин бул сапары Евробиримдик менен Ирандын соода алакалары боюнча сүйлөшүүлөрүн жандантууга багытталган. Буга байланыштуу биримдиктин расмий өкүлдөрү Брюссел Ирандагы соңку шайлоолордун жүрүшүнө нааразы экенин, Тегерандын өзөктүк программасы да бир топ күнөм саноолорду туудуруп жатканын белгилешүүдө.
1-майдан тартып Евробиримдикке дагы 10 мамлекет кошулду. Ишембиде биримдиктин азыркы төрагасы Ирландиянын баш калаасы Дублин шаарында салтанаттуу саммит болуп өттү. Бирок майрамдык шаан-шөкөт аяктаары менен биримдиктин алдында турган көптөгөн проблемалар жөнүндө сөз боло баштады.
26-апрелде Люксембургда Евробиримдиктин тышкы иштер министрлеринин жылдык жыйыны өттү. Бир күндүк жолугушуу маалында европалык министрлер уюм менен Орусия ортосундагы алакаларды, Жакынкы Чыгыштагы тынчтык процессин, Кытайга каршы киргизилген курал эмбаргосун жана Косоводогу кырдаалды талкуулашты.
БУУнун Коопсуздук Кеңеши уюмдун “Мунай үчүн азык-түлүк” деп аталаган долбоорун ишке ашыруудагы мыйзам бузууларды иликтөө үчүн комиссия түзүүнү чечти. Коопсуздук кеңеши мүчө мамлекеттерге кайрылып, Пол Волкер жетектеген комиссия менен кызматташууга чакырды. Бирок кээ бир өкмөттөр ошол программадан киреше алып турган деген божомолдон улам, алардын жардамы канчалык эффективдүү болоор экен? деген суроо жаралууда.
АКШнын БУУдагы миссиясынын башчысы Жон Негропонтенин Иракка элчи болуп дайындалышы Улуттар Уюмунун Ирактагы ролунун кеңейтилишине Ак Үйдүн чоң маани берип жаткандыгынын ишарасы катары бааланып жатат. Негропонтеге жогорку дипломатиялык орундун ыйгарылышы анын жеке жетишкендиктерине жана бай тажрыйбасына да байланыштуу.
Шейшембиде БУУнун Коопсуздук Кеңеши Косоводогу абалды талкуулап, провинциядагы саясий реформаларды уланта берүү зарылдыгын баса белгиледи. Уюмдун Косоводогу бейпилдик күчтөрүнүн жетекчиси өткөн айда болгон кагылышууларды алдын алуу үчүн жетиштүү аракеттенишкен жок деп этникалык албандардын лидерлерин айыптады.
Өткөн аптада ири салгылашуулар болгон Фаллужа менен Нажаф шаарларында бүгүн абал салыштырмалуу тынч деп кабарланууда. Куралчан топтор тарабынан барымтага алынып же дайынсыз жоголгон чет элдиктердин саны болсо көбөйүүдө. Акыркы маалыматтарга караганда, кечээ кечинде уурдалып кеткен орусиялык жана украиналык атуулдар бүгүн түшкө маал койо берилди.
Ушул аптада Брюсселде Евробиримдиктин коргоо министрлеринин жолугушуусу болду. Коргоо мекемелеринин жетекчилери аскерий кызматташтыкты өөрчүтүү жана биримдиктин алкагында бир катар жаңы структураларды түзүү жөнүндө макулдашышты.
Арменияда өкмөт менен оппозиция ортосундагы тирешүү күчөп баратат. Кечээ оппозициядагы эки негизги саясий топ президент Роберт Кочарянды бийликтен кетирүү аракеттерин уланта беришээрин билдиришти. Андан мурун Кочарянга каршы өткөрүлгөн демонстрацияга байланыштуу оппозициянын кээ бир активисттери камакка алынган эле.
Өткөн эки жуманын ичинде президент Жорж Буштун жардамчылары 11-сентябрь террордук чабуулдарын иликтеп жаткан көз карандысыз комиссиянын суроолоруна жооп берди. Алар терроризм менен күрөш азыркы администрациянын дайыма артыкчылык берген саясаты болуп келгенин баса белгилешти. Бирок аналитиктердин ырастоосунда, маалыматтар Ак үй террорго каршы күрөштү эмес, ракетадан коргонуу системасын өнүктүрүүнү артыкчылыктуу маселе катары белгилегенин далилдөөдө.
Кечээ испан полициясы 11-марттагы теракттарга тийешеси бар деп шектелген адамдарды кармоо боюнча атайын операция өткөрдү. Рейд учурунда камалоого алынган террорчу деп шектелген төрт киши өздөрүн жардырып жиберишти. Андан алдынкы күнү Мадрид-Севилья темир жолунда 12 килограммдык бир бомба табылган. Өлкө аймагы боюнча коопсуздук чаралары күчөтүлдү.
Шаршембиде Грузияда парламенттик шайлоонун ырасмий жыйынтыктары дайын болду. Ага ылайык Ажар автономиясынын лидери Аслан Абашидзенин “Кайра жаралуу” партиясы депутаттык мандаттардан куру калды. Буга нааразы болгон Абашидзе автономияда референдум өткөрүп, бюллетендерди кайра санап чыгуу талабы менен Тбилисиде нааразылык чараларын уюштурабыз деп коркутуп жатат.
Бүгүн (шаршембиде) Берлинде донор-мамлекеттердин Ооганстан боюнча конференциясы башталууда. Аны утурлай НАТОнун Ооганстандагы жарандык жетекчиси Хикмет Четин өлкөгө көбүрөөк экономикалык көмөк көрсөтүүгө үндөдү. Анын айтымында, каржылык жардам Ооганстанга фундаментализм жана экстремизмден арылууга мүмкүнчүлүк түзмөкчү.
Бүгүн (дүйшөмбүдө) Пакистан армиясынын басма сөз өкүлү генерал-майор Шавкат Султан АФП агенттигине билдиргендей, Ооганстан менен чек арага жакын жерде өткөн аскерий иш-чаралар расмий түрдө аяктады, бирок талиптер менен “ал-Кайиданын” согушчандарын жок кылуу аракеттери улантылып жатат. Ал аралыкта урду тилинде чыгуучу бир басылма март айынын орто ченинде талиптердин жетекчиси молдо Омор оор жаракат алганын жазып чыкты. Азырынча бул жоромол тастыктала элек.
Ооганстандын мамлекет башчысы Хамид Карзай июнь айына белгиленген президенттик шайлоо сентябрда өтөт деп жарыялады. Буга чейин БУУ өнөктүктү эл аралык макулдашууда каралган мөөнөттө өткөрүү мүмкүн эмес деп белгилеген эле. Эми президенттик жана парламенттик добуш берүү чогу уюштурулмакчы. Бирок ага дейре Ооганстанда бир топ маселелер чечилүүгө тийиш.
Дагы жүктөңүз
