Жогорку Кеңеш Феликс Куловго байланыштуу Конституциялык мыйзамдуулук жана мамлекеттик түзүлүш комитетинин чечимин бүгүн карап, маселе боюнча добуш берүүнү бейшемби күнгө белгиледи. Комитет өз чечиминде премьер-министрликке Феликс Куловду кайрадан көрсөтүү «Регламент жөнүндөгү» мыйзамга каршы келерин, ошондуктан аны карабоону парламентке сунуштаган.
Кыргызстандагы мыйзамдардын карама-каршылыгы бир ай ичинде эки Конституция кабыл алуу менен жоюлбады. Бул карама-каршылыктар премьер-министрликке талапкерди көрсөтүүдө өзгөчө айкын көрүндү. Россиялык саясат таануучу Кыргызстандагы саясий-мыйзамдык кризис Конституциянын жаңы редакциясына ылайык парламенттик шайлоо өткөрүлгөнгө чейин улана берет деген пикирин жакында эле жарыялады. Буга жергиликтүү саясатчылар кандай карайт?
Премьер-министрликке талапкер Феликс Кулов 18-январда парламентте колдоо тапкан жок. Бул абалдан чыгуунун мыйзамдык жолдору тууралуу Жогорку Кеңештин депутаты Темир Сариев «Азаттыктын» суроолоруна жооп берди.
Жогорку Кеңеш Феликс Куловдун премьер-министрликке талапкерлигин колдогон жок. Шайлоодо талапкерге 23 гана депутат колдоп добуш берди. 39 депутат каршы болду.
Жогорку Кеңеш дүйшөмбү күнкү жыйынында Конституция, жер титирөөлөр, ажылык учурунда каза болгон Кыргызстан атуулдарынын жакындарына жардам берүү маселелерин көтөрүп, алардын айрымдары боюнча өкмөткө тапшырма берди. Андан кийин парламент «Токтогул каскадындагы ГЭСтердин өзгөчө статусу жөнүндөгү» мыйзамга өзгөртүү жана кошумча киргизүү тууралуу мыйзам долбоорун карай баштады.
Өкмөттүн жаңы структурасы парламентке берилген. Андагы өзгөчөлүктөрдүн бири өнөр жай жана энергетика министрлигинин түзүүнүн каралышы. Мындай министрликти түзүү менен канчалык максатка ылайыктуу? Ал тармакты кризистен чыгарууга жол ачабы?
Жогорку Кеңеш 30-декабрда Конституциянын жаңы редакциясын кабыл алды. Анын күчкө кирүүсү үчүн президент кол коюп, маалымат каражаттарына жарыяланыш керек. Бирок жыл ичинде парламент кабыл алган экинчи Конституцияга президент кол коебу? Эгерде койсо кандай, койбосо кандай терс таасирлер болушу ыктымал?
Курманбек Бакиев менен Феликс Куловдун тандеми алгачкы учурда өлкөнү кризистен алып чыгуучу күч катары таанылып, мамлекетти ириткен ири коррупциялык иштерге чек коюлат деген үмүт пайда болгон. Анын үстүнө Бакиевдин шайлоо алдындагы негизги убадаларынын бири коррупцияга каршы күрөш болсо, Феликс Куловдун өкмөтү коррупциялык болбойт деген убадасы бар эле. Бирок өткөн жылдагы айрым иштер андай үмүттөргө суу септи.
Өткөн жылдын акыркы күндөрүндө Жогорку Кеңеш Конституциянын жаңы редакциясын кабыл алды. Өкмөттүн кызматтан кетүүсү менен пайда болгон кризисттик кырдаалдан чыгуунун аргасы катары кабыл алынган жаңы баш мыйзам өлкөгө туруктуулукту алып келеби?
22-декабрда Жогорку Кеңеш Конституциянын жаңы редакциясын талкуулап, аны кайра иштеп чыгууга комитетке тапшырды. Бир айдын аралыгында жаңы Конституция кабыл алууга коомчулуктун өкүлдөрүнүн пикири кандай?
Жогорку Кеңеш Конституциянын кезектеги жаңы редакциясын кабыл алуу маселесин күн тартибине киргизип, талкуулап баштады. Оппозициялык маанайдагы депутаттар буга кескин каршы чыгып, Конституцияга өзгөртүү киргизилсе, ал мыйзамдуу жол менен жасалыш керектигин билдиришти.
Октябрь айында президент Курманбек Бакиевдин Өзбекстанга расмий учурунда кыргыз-өкмөтү менен өзбек өкмөтү атуулдардын визасыз өз каттамдары жөнүндө келишимге кол койгон. Кыргыз парламенти ал келишимди өткөн жуманын соңунда ратификациялады.
19-декабрда өкмөттүн кызматтан кетүүсү менен өлкөдө саясий-укуктук туңгуюк пайда боло баштады. Өкмөт мүчөлөрү мындан Жогорку Кеңеш тарап, жаңы шайлоо менен чыгуу керектигин билдирүүдө. Бирок парламентте өз эрки менен кетүү маанайы байкалбай турат.
Конституциянын жаңы редакциясына ылайык камакка алууга сот гана уруксат берет. Бирок, учурда прокуратура кызматы эски мыйзамдарга ылайык санкция берүүнү улантууда. Жогорку Кеңештин депутаты Азимбек Бекназаров муну менен прокуратура Конституцияны бузууда деп айыптоодо.
Жогорку Кенештин комитет жана комиссия төрагаларын шайлоо 11-декабрда негизинен соңуна чыкты. Бирок, бир да комитет төрагалыгына оппозициялык маанайдагы депутаттардан көрсөтүлгөн да жок, шайланган да жок. Аткаруу бийлигине жакын депутаттардын бардык комитеттерди көзөмөлдөшү президент сунуштаган мыйзам долбоорлордун кабыл алынышына, өкмөт менен парламенттин натыйжалуу иштешине шарт түзөбү?
Бүгүн Жогорку Кеңеш комитеттердин жана комиссиялардын төрагаларын шайлоону негизинен аяктады. Өткөн жумада парламенттин жаңы структурасы кабыл алынып, ага ылайык Жогорку Кеңеште 17 комитет, 5 комиссия болоору чечилген. Жума күнү өткөрүлгөн шайлоодо 8 комитеттин жана 3 комиссиянын төрагасы шайланган эле.
7-декабрда Жогорку Кеңеште келерки жылдын бюджет долбоору боюнча парламенттик угуулар болду. ПРООНдун колдоосу менен уюштурулган угууларда талкуу негизинен эки деңгээлдеги бюджетке өтүү керекпи, же төрт деңгээлдүү бюджет менен жашоону уланта берүү керекпи деген суроонун айланасында болду.
Бүгүн Жогорку Кеңеш өзүнүн структурасы боюнча талкууну баштады. Депутаттык топтор структура боюнча өздөрүнүн долбоорун сунуштады. Ал долбоорлорду рейтингдик добуш берүү менен тандап алуу башталып, бирок аягына чыкпай калды.
Жогорку Кеңешке Курманбек Бакиев менен бирге өкмөттүн толук курамы, сот бийлигинин жетекчилери келди. Парламентке быйылкы жыл ичиндеги төртүнчү жолку кайрылуусунда президент өтүп бараткан жылды татаал катары баалап, кабыл алынган Конституциянын жаңы редакциясын тезирээк ишке киргизүүнү сунуштады.
Өтүп бараткан апта ичинде кыргыз коомчулугу ХИПК программасына кирүү, кирбөө маселесин кызуу талкуулады. Программага кирүүгө каршы болгон тараптар нааразылык акциясын уюштурду. Ал эми өкмөт менен Дүйнөлүк банктын миссиясы ХИПК программасына кирүүнүн шарттары боюнча сүйлөшүүлөрдү баштады.
Дагы жүктөңүз
